„კრიზისი სახეზეა და ამ კრიზისიდან სამართლიანი გამოსვლის ფორმა ახალი არჩევნებია იმისთვის, რომ საქართველომ მიიღოს ლეგიტიმური პარლამენტი“ – პრეზიდენტი

8 ევროპული ქვეყნის პარლამენტარებთან შეხვედრის შემდეგ, პრეზიდენტმა სალომე ზურაბიშვილმა მედიისთვის გამართულ ბრიფინგზე საერთაშორისო მხარდაჭერის მნიშვნელობაზე ისაუბრა და კიდევ ერთხელ განაცხადა, რომ საქართველოს ჰყავს არადემოკრატიული ხელისუფლება, რომელმაც არჩევნები გააყალბა:

“ნებისმიერი დემოკრატიული პრინციპის გადახვევა ხელისუფლების მიერ, ყოველთვის გაპროტესტებული იყო ამ ქვეყანაში. ეს არის ქვეყანა, სადაც მართლაც საზოგადოება არის ევროპული, დემოკრატიული და სამწუხაროდ, რომელსაც არ ჰყავს დემოკრატიული ხელისუფლება, რომელსაც ჰყავს ერთპარტიული ხელისუფლება, რომელიც დაეუფლა პრაქტიკულად ყველა ინსტიტუტს და შედეგი მივიღეთ ამ არჩევნებში.

ეს არის ერთპარტიულად მართული არჩევნები, სხვა დახმარებებით, მაგრამ ერთპარტიულად მართული და ერთპარტიულად გაყალბებული არჩევნები. ამიტომაცაა, რომ შევდივართ კრიზისში.

ცესკოს თავმჯდომარის განცხადებებიდან გამომდინარე, ნათელია რა გადაწყვეტილებას მიიღებს. აქ არანაირი მოულოდნელობა არ შეიძლება იყოს. კრიზისი სახეზეა და ჩვენი მეგობრები აქ არიან, რომ ჩვენთან ერთად მონახონ გზები, რითაც შეიძლება საქართველო გამოვიდეს ამ კრიზისიდან და ამ კრიზისიდან გამოვა მხოლოდ სამართლიანი ფორმით, დავუბრუნდებით ახალ არჩევნებს იმისთვის, რომ საქართველომ მიიღოს ლეგიტიმური პარლამენტი, ლეგიტიმური მთავრობა და ლეგიტიმური პრეზიდენტი როცა ამის დრო მოვა.” განაცხადა პრეზიდენტმა

გააზიარეთ და მოიწონეთ სტატია:

მსგავსი სტატიები:

200 ლარზე დარჩნენ და რას დაწერენ ვნახოთ- კახა მამულაშვილი მთავრობაზე “საავადმყოფოებში გაჩერდა ე.წ. გეგმური სერვისები და კლინიკები გადაუდებელ დახმარებაზე გადადიან” ყურადღებით ვაკვირდებით მიხეილ სააკაშვილის ირგვლივ მიმდინარე პროცესებს – კელი დეგნანი ოზურგეთის მუნიციპალიტეტსა და პოლონეთის რესპუბლიკის თვითმმართველობათა ასოციაცია ,,ბაგ“-ს შორის თანამშრომლობის მემორანდუმი გაფორმდა რუსეთი უკრაინაში “ოპერაციას” დაასრულებს…როცა ნატო-სგან მომავალი საფრთხეები შეჩერდება – მაღალჩინოსანი ზურაბ გურული: დებატები უცნობს არ წაუგია… მშვიდობა ყველაზე ძვირფასია ძმაო, გიჟები ხომ არა ვართ რუსებს დავეტაკოთ პროპუტინისტური ძალის წინააღმდეგ​​​​​​​ უკომპრომისო ვიქნები – ხაბეიშვილი უკრაინელებმა ბელგოროდის ოლქის სოფელი დაიკავეს – ბოლო ცნობები რუსეთის ტერიტორიაზე მიმდინარე ომიდან