“ვაგრძელებთ ბრძოლას რუსული რეჟიმის წინააღმდეგ” – ზუგდიდის უნივერსიტეტის სტუდენტები

ზუგდიდის შოთა მესხიას სახელმწიფო უნივერსიტეტის სტუდენტების ნაწილი სხვა უნივერსიტეტების სტუდენტების ბრძოლას მოპარული ხმებისთვის უერთდება.

“ვაგრძელებთ ბრძოლას რუსული რეჟიმის წინააღმდეგ!” – ამბობენ ახალგაზრდები და მხარდაჭერას გამოხატავენ იმ სტუდენტების მიმართ, რომლებიც ახლა ქვეყნის ევროპული მომავლისთვის იბრძვიან.

ზუგდიდის შოთა მესხიას სახელმწიფო უნივერსიტეტის სტუდენტების ნაწილი, ვეხმაურებით ქვეყანაში მიმდინარე მოვლენებს და გვსურს საჯაროდ  და მკაფიოდ დავაფიქსიროთ ჩვენი პოზიცია! 

ვუერთდებით სხვა უნივერსიტეტების სტუდენტების ბრძოლას მოპარული ხმებისთვის, ტოტალურად გაყალბებული არჩევნების წინააღმდეგ და სრულად  ვიზიარებთ საერთო სულისკვეთებას. 

მხარს ვუჭერთ იმ სტუდენტებს, რომლებიც არ ერიდებიან გამოხატონ პოზიცია  და აცნობიერებენ, რომ მათი ხმა უნდა ისმოდეს, არა მხოლოდ უნივერსიტეტში, არამედ მთელი ქვეყანის მასშტაბით. 

ქართველ სტუდენტებს აქვთ პასუხისმგებლობა იცხოვრონ უკეთეს მომავალში, სადაც მათი არჩევანი იქნება გადამწყვეტი, ხოლო მათი უფლებები კი დაცული.

ჩვენ მზად ვართ, გავაგრძელოთ მონაწილეობა საზოგადოებრივ აქტივობებში, რათა დავიცვათ ის პრინციპები, რომლებიც ნამდვილად გამოხატავს ჩვენი საზოგადოების ნებასა და ჩვენი ქვეყნის კონსტიტუციას !  

უნივერსიტეტი ყოველთვის იყო უმნიშვნელოვანესი ბირთვი, სადაც შეიკრიბა საქართველოს გამჭრიახი, კრიტიკული აზროვნების ნაყოფიერი გონება. დღეს კი, ეს უნივერსიტეტი უნდა იყოს  ადგილი, სადაც არა მხოლოდ ცოდნის, არამედ თავისუფალი აზრისა და სამოქალაქო პასუხისმგებლობის ჩანერგვა ხდება.

ვაგრძელებთ ბრძოლას რუსული რეჟიმის წინააღმდეგ! ჩვენი ხმა, ჩვენი უფლებები, ჩვენი თავისუფლება და მომავალი – ყველაფერი  ამას მოითხოვს. არა მოპარულ არჩევნებს! ჩვენი ხმა – ჩვენი არჩევანი!” – წერია სტუდენტების განცხადებაში.

გააზიარეთ და მოიწონეთ სტატია:

მსგავსი სტატიები:

სალომე ზურაბიშვილმა ნიკა გვარამიას უჩივლა ეს მარტივი სქემაა – რა სქემა აქვს ივანიშვილს? – ნინო ბურჯანაძე “როგორ შეიძლება იმის უარყოფა, რომ მას მკურნალობა სჭირდება”-იან კელი მიხეილ სააკაშვილზე შსს-მ Facebook-რეკლამებში გაწეული ხარჯების 60% ლაშქარავას კადრების გავრცელებაში დახარჯა პატრიოტი და ბოლშევიკების წინააღმდეგ (1924) გურიაში განსაკუთრებულ თავდადებას იჩენდნენ ქალები ზელენსკიმ რუსი ოლიგარქებისა და რუსული კომპანიების დასანქცირების განკარგულებას ხელი მოაწერა თუ თა­მა­რი და ერეკ­ლე უნდა ჩა­რე­ცხოთ, მა­შინ ვინ ხართ თქვენ, ბა­ტო­ნო ლე­ვან? – წილოსანი ბერძენიშვილს ოცნება მოსკოვს ჰპირდება, რომ ბოდიშს მოვიხდით – ჯაფარიძე