“არ არსებობს მიზეზი, რატომ უნდა ვაღიაროთ ამ არჩევნების ცესკო-ს მიერ წარმოდგენილი შედეგები – “ქართულ ოცნებას” უნდა დაეკისროს სანქციები”, – ამის შესახებ ევროპარლამენტარმა, პეტრას აუსტრევიჩუსმა “მთავარ არხთან” ისაუბრა.
ევროპარლამენტარის თქმით, საკმარისი საბაბი არსებობ იმის სათქმელად, რომ მანიპულაციებმა არჩევნების შედეგებზე გავლენის მოხდინა.
“მას შემდეგ, რაც მოხდა არჩევნებისა და საარჩევნო კამპანიის დროს, ჩვენ ვერ დავმალავთ ჩვენს გაწბილებას და ვერც კტრიტიკისგან შევიკავებთ თავს. ჩვენ ვაღიარებთ მანიპულაციებისა და დარღვევებოს უზარმაზარ რაოდენობას, მუქარას მათ მიმართ, ვინც ხმის მისაცემად მივიდა. სწორედ ამიტომ, ჩვენ მიგვაჩნია, რომ არსებობს შეკითხვები ამ არჩევნების შედეგებთან დაკავშირებით და ამიტომ ჩვენ მიგვაჩნია, რომ არ არსებობს მიზეზი, თუ რატომ უნდა ვაღიაროთ ამ არჩევნების ის შედეგები, რომლებიც წარმოადგინა საარჩევნო კომისიამ. ჩვენ საკმარისი საბაბი გვაქვს იმის სათქმელად, რომ მანიპულაციებმა გამოიწვია არჩევნების შედეგებზე გავლენის მოხდენა და ჩვენ უნდა ვიპოვოთ გამოსავალი ამ სიტუაციიდან. სწორედ ამიტომ ჩვენ მოვუწოდებთ გამოძიებისკენ და მიგვაჩნია, რომ უნდა შეჩერდეს ახალი პარლამენტის შეკრება და თუ ეს მოხდება, ამაზე პასუხისმგებლობა მხოლოდ “ქართულ ოცნებას” დაეკისრება. გარდა ამისა, ყველას, ვინც ძალადობრივ ქმედებებშია შემჩნეული მშვიდობიანი მომიტინგეების მიმართ, ვინც მონაწილეობა მიიღო იმაში, რომ არჩევნები გამჭვირვალე არ ყოფილიყო, ისევე როგორც ოპოზიციის მიმართ მუქარაში, მათ უნდა დაეკისროთ სანქციები. ჩვენ უნდა გავუგზავნოთ მკაფიო მესიჯი “ქართული ოცნების” წევრებს, რომ ჩვენ არ გვსურს ასეთი სახის ურთიერთობა და მე პირადად არ მიმაჩნია, რომ “ქართული ოცნების” წარმომადგენლები ლეგიტიმურად და გამჭვირვალედ არიან არჩეულები ხალხის მიერ. მე იმედი მაქვს, რომ “რინიუ ჯგუფის” რეზოლუციის პროექტი ჰპოვებს მხარდაჭერას სხვა ჯგუფებს შორის, რათა ამ ძლიერი გგზავნილით საქართველოს ევროპული პერსპექტივა გადავარჩინოთ, რომელიც ამჟამად დიდი საფრთხის ქვეშაა. მე არა მგონია, რომ ქართული ოცნების დელეგაცია საქართველოს წარმოადგენს. არამედ ის წარმოადგენს მხოლოდ საკუთარ თავს. მე მიმაჩნია, რომ ჩვენ ისინი არ უნდა დავპატიჟოთ ამ შეხვედრაზე, იმიტომ რომ მე ვერ მივიღებ არჩევნების ამ შედეგებს. ამიტომ, ისინი არ უნდა დაპატიჟონ ევრონესტის შეხვედრაზეც”, – აღნიშნა ევროპარლამენტარმა.
მსგავსი სტატიები:
200 ათასი დროშა ამერიკელის ნაცვლად – პრეზიდენტის ინაუგურაციას აშშ-ის მოქალაქეები ვერ ესწრებიან
“კი მაგრამ ცხვარმა რა დაგიშავათ?” – გოცირიძე ხელისუფლებას
კობახიძე მთავარ არხს: გემუქრებით, რომ მოგიწევთ ბოდიშის მოხდა
პუტინი ამბობს, რომ ამერიკა ცდილობს, რუსეთი ომში ჩაითრიოს
მე გამოხსნა არ მჭირდება, გამოხსნა სჭირდება მიშა სააკაშვილს – ნიკა გვარამია
გამიხარდება, თუ ლევან ხაბეიშვილს აირჩევენ „ნაციონალური მოძრაობის“ თავმჯდომარედ, მეტად გავერთობით – კახა კალაძე
“არწივების” მორიგი მარცხი – ამჯერად თბილისში “ხვამლთან”
“გადახურვის სამუშაოები არც დაწყებულა!” – გელათი 4 თვეა დაკეტილია და მეხუთე ზამთარსაც დაუცველი ხვდება