როგორ უნდა მოიქცეთ იმ შემთხვევაში, თუ თქვენზე საქმე აღიძრა? – მოქალაქე ანა ტრაპაიძე აქციის მონაწილეებს მიმართავს და პირად გამოცდილებაზე დაყრდნობით, რჩევებს უზიარებს:
ამ დღეებში ჩემ ბევრ მეგობარს და ნაცნობს ჩამოურეკეს და აცნობეს, რომ მათზე საქმეა აღძრული.
როგორც ჩანს, ზარი შეიძლება ნებისმიერმა მიიღოს!
მინდა პირადი გამოცდილება გაგიზიაროთ, როგორ მოიქცეთ, თუ თქვენც დაგირეკავენ:
1. ზარის მიღებისას:
- არ დაიბნეთ!
- ყურადღებით მოუსმინეთ, გამოკითხეთ დეტალები და ჩაინიშნეთ ინფორმაცია.
- ჰკითხეთ:
- ვინ, რა ინსტანციამ აღძრა საქმე?
- რომელ სამართალდარღვევაზე გედავებიან?
- როდის და რომელ მოსამართლეს დაეწერა საქმე?
- რა არის საქმის ნომერი?
- სხდომა ხომ არ არის ჩანიშნული? თუ კი, როდის და რომელ დარბაზში?
- ხომ არ არის თქვენი საქმე სხვა საქმეებთან გაერთიანებული?
- თუ დეტალების კითხვა ან ჩანიშვნა დაგავიწყდათ, არ ინერვიულოთ! შემდგომ ეტაპზე მაინც მოგიწევთ სასამართლოს ცხელ ხაზზე დარეკვა (იხილეთ პუნქტი 3).
2. ზარის შემდგომ:
- დაუკავშირდით ადვოკატს და გაიარეთ კონსულტაცია.
- თუ არ გყავთ ადვოკატი, არ იდარდოთ! შეგიძლიათ დარეკოთ ადვოკატების ცხელი ხაზის ნომერზე: 577 07 05 63.
- საჭიროების შემთხვევაში, სოციალურ ქსელში პოსტის განთავსება დახმარების მიღებაშიაც დაგეხმარებათ.
3. საქმის მასალების გაცნობა:
- თქვენ და თქვენს ადვოკატს აუცილებლად დაგჭირდებათ საქმის მასალების გაცნობა.
- მასალების სანახავად შეგიძლიათ მიხვიდეთ სასამართლოს კანცელარიაში, სადაც ამოგიბეჭდავენ დოკუმენტებს.
- თუმცა უფრო სწრაფი და რეკომენდებული მეთოდია, დარეკოთ სასამართლოს ცხელ ხაზზე ნომერზე 1545.
- მოითხოვეთ, რომ ოპერატორმა შეამოწმოს, არის თუ არა თქვენი ტელეფონის ნომერი საქმის მონაცემებში მიმაგრებული.
- თუ ნომერი მითითებულია, მოითხოვეთ ონლაინ კაბინეტისთვის საჭირო მომხმარებლის ნომერი და პაროლი.
- ამ მონაცემებით შეძლებთ სისტემაში შესვლას და საქმის მასალების ნახვას.
- თუ თქვენი ტელეფონი მონაცემებში არ არის მითითებული, განცხადების გაგზავნა მოგიწევთ სასამართლოს ელექტრონულ ფოსტაზე, რათა თქვენი ნომერი დაამატონ. ამის შემდეგ კვლავ დარეკეთ ნომერზე 1545 და მოითხოვეთ კოდები.
4. ვიდეო მტკიცებულებების შემთხვევაში:
- თუ საქმის მასალებში არსებობს ვიდეო მტკიცებულებები, ისინი სისტემაში შეიძლება არ ჩანდეს ფაილის ზომის გამო.
- იურისტს ჰკითხეთ, როგორ უნდა მოითხოვოთ ეს ფაილები.
5. საქმის გაერთიანება:
- შეამოწმეთ, ხომ არ არის თქვენი საქმე სხვა ადამიანებთან გაერთიანებული.
- ამ შემთხვევაში, მოძებნეთ ეს ადამიანები და დაუკავშირდით. საჭიროების შემთხვევაში, ჯგუფებში პოსტის განთავსება დაგეხმარებათ.
6. მედიასთან ურთიერთობა:
- მიაწვდინეთ ხმა მედიას! კარგი იქნება, თუ ლიცენზირებული მედიის წარმომადგენლები სასამართლოს გადაიღებენ.
- მედიას ამისთვის გარკვეული პროცედურების გავლა დასჭირდება.
7. დამატებითი მტკიცებულებები:
- საქმის მასალების საფუძველზე გაიხსენეთ დეტალები და მოიძიეთ შესაბამისი ფოტო-ვიდეო მტკიცებულებები.
- თქვენს გადაადგილებას კარგად ასახავს და ინახავს Google Maps აპლიკაცია. საჭიროების შემთხვევაში, დეტალური ინსტრუქციებით მზად ვარ დაგეხმაროთ.
8. გახსოვდეთ:
- მარტო არ ხართ!
- ჯარიმის შემთხვევაში არსებობს ფონდები, რომლებიც დაგეხმარებიან.
გააზიარეთ და მოიწონეთ სტატია:
მსგავსი სტატიები:
“ბუკნარის სკოლის დირექტორის გადაყენება არც განიხილება”
“მათ სიცოცხლეს საფრთხე აღარ ემუქრება” -ავარიის დროს დაშავებული და-ძმის მდგომარეობა სტაბილურია
გართულებული კოვიდსიტუაციის პირობებში, ოზურგეთში 100 კაციანი სუფრა გაშალეს
ბათუმის საფეხბურთო სტადიონის სახელის დარქმევისთვის აუქციონში გამარჯვებული გამოვლინდა, რომელიც 8 მლნ 750 ათასს გადაიხდის
Anonymous-ი კვლავ გამოჩნდა – სად განხორციელდა მორიგი კიბერთავდასხმა?
საქართველოში საკვები და სასმელი პროდუქტების იმპორტმა პანდემიამდელ ნიშნულს გადააჭარბა – რას ვყიდულობთ ყველაზე დიდი რაოდენობით
Forbes: საქართველო – „ახალი კვიპროსი“ რუსებისთვის და მუდმივი ბინადრობის უფლება 300 000 დოლარზე მეტი ინვესტიციისთვის
”ქალბატონო, თქვენი გასაჭირი კი არა, ის მოყევით, ბატონი მერი როგორ დადიოდა რეზინის ჩექმებითო”