“ერთიანობა ნაციონალური მოძრაობის” ერთ-ერთი ლიდერი, ლევან სანიკიძე განმარტავს, რომ ეუთოს მთავარი ფუნქცია უსაფრთხოების უზრუნველყოფაა და შესაბამისად, ორგანიზაციის გენმდივნის საქართველოში ვიზიტიც ამ საკითხს უკავშირდებოდა.
ოპოზიცონერი პოლიტიკოსი ასევე ფიქრობს, რომ მაკა ბოჭორიშვილთან დახურულ კარს მიღმა შეხვედრაზე ეუთოს გენმდივანმა ქვეყანაში არსებულ კრიზისზე, ახალი არჩევნების და პოლიტპატიმრების გათავისუფლების აუცილებლობაზეც ისაუბრა.
უნდა გვესმოდეს ის საკითხიც, რომ ეუთოს მუდმივმოქმედი საბჭოს მთავარი ფუნქცია, პირველ რიგში, არის უსაფრთხოების უზრუნველყოფა, უსაფრთხოების დაცვა და ბუნებრივია, რომ ის კომენტარი და ის საჯარო პრესკონფერენცია, რომელიც ჩატარდა, უმეტესად იყო ამ საკითხთან დაკავშირებული.
კარგად უნდა გვესმოდეს, რომ ამ მუდმივმოქმედი საბჭოს უმრავლესობა მხარს უჭერს ქართველი ხალხის დემოკრატიულ ნებას. უმკაცრეს განცხადებებს აკეთებენ ქვეყანაში არსებულ პოლიტიკურ კრიზისთან, პოლიტპატიმრებთან დაკავშირებით, ახალ არჩევნებთან დაკავშირებით, 26 ოქტომბრის არჩევნების არალეგიტიმურობასთან დაკავშირებით და დარწმუნებულები ვართ, რომ გენერალური მდივანი დახურულ კარს მიღმა ამ საკითხებს აუცილებლად შეეხებოდა, – ამბობს ლევან სანიკიძე.
საქართველოში, დღეს, ოფიციალური ვიზიტით ევროპის უსაფრთხოებისა და თანამშრომლობის ორგანიზაციის (ეუთო) გენერალური მდივანი, ფერიდუნ სინირლიოღლუ ჩამოვიდა.
ეუთოს გენერალური მდივანი “ქართული ოცნების” საგარეო საქმეთა მინისტრს, მაკა ბოჭორიშვილს შეხვდა.
შეხვედრის შემდეგ მხარეებმა ბრიფინგი გამართეს.
მსგავსი სტატიები:
ბათუმის საოლქო საარჩევნო კომისიამ შემეჯამებელ ოქმი შეადგინა
“ქვეყანაში ნელ-ნელა მოიმატა ავტორიტარიზმმა – რუსული მმართველობის სტილმა”
რატომ ურიგებდნენ რუსეთში მასწავლებლებს 15-15 ბოთლ არაყს
“5-ლარიან მსხალს ვყიდულობ, 3 ცალი მომდის, არადა სახლში 4 ვართ”… – ალეკო შუღლაძის პოსტი
უკრაინაში კიდევ ერთი მასობრივი საფლავი იპოვეს
“პრიმიტიული აზროვნების გამო არის ჩვენი „მედასავლეთე“ ოპოზიცია ფსკერზე”
ხათრით მაინც იფრინეთ, რუსეთუმეებად თავდადებულნო, აზიმუტი ტიტლიკანა დაფრინავს- ნათია ფანჯიკიძე
აშშ-მ, რუსეთის ომის მხარდაჭერისთვის, 400-მდე ინდივიდსა და კომპანიას სანქციები დაუწესა