ლევან სანიკიძე – თუ სტატუს-კვო შეიცვლება, მზად უნდა ვიყოთ, მაგრამ ამ რეპრესიებში თვითმმართველობის არჩევნებში გასვლა არა თუ უაზრობაა, არამედ იმ პროცესის ღალატია, რომელიც რუსთაველის გამზირზე ამდენი ხანია მიმდინარეობს

იმ რეალობაში, რომელშიც დღეს საქართველო დგას, ჩვენ თვითმმართველობის არჩევნებში მონაწილეობაზე არა თუ ვფიქრობთ, არამედ საერთოდ არც განვიხილავთ, – ამის შესახებ „ერთიანობა – ნაციონალური მოძრაობის“ წევრმა, ლევან სანიკიძემ განაცხადა.

მისივე თქმით, ვერცერთი პოლიტიკური ორგანიზაცია, რომელსაც სამომავლოდ პრეტენზია ექნება, რომ საქართველოში რაიმე შექმნას და პროდასავლური ძალის სტატუსი ჰქონდეს, თვითმმართველობის არჩევნებში მონაწილეობას ვერ გაბედავს.

„დღეს, ჩვენი ქვეყანა ისეთ პოლიტიკურ კრიზისშია, რომელიც დამოუკიდებლობის არსებობის ისტორიაში არ ყოფილა, ამას თამამად ვიტყვი. ამ ვითარებაში მნიშვნელოვანია, რომ პოლიტიკური პარტიები ფორმაში იყვნენ, რეგიონებში გასვლა საკუთარ აქტივთან, წარმომადგენლებთან საუბარი, ჩემი აზრით, მაინცდამაინც არჩევნებში შესვლას არ გულისხმობს, მაგრამ ის, რომ პოლიტიკური პარტიები ფორმაში უნდა იყვნენ, მათ შორის ახალი საპარლამენტო არჩევნების დანიშვნასთან დაკავშირებით, იმიტომ, რომ რაც დრო გადის, მეც შთაბეჭდილება მაქვს, რომ შეიძლება ივანიშვილის ხელისუფლებმა უფრო მალე იძულებულები აღმოჩნდეს, რომ დანიშნოს ახალი, დემოკრატიული საპარლამენტო არჩევნები და პოლიტპატიმრების გათავისუფლება მოუწიოს, ამიტომ ნებისმიერი ასეთი სცენარისთვის მზად უნდა იყო, გარდა, თვითმმართველობის არჩევნებში, ამ პირობებში მონაწილეობის მიღებისა, სადაც მე დიდ იმედს გამოვთქვამ, რომ არცერთი პარტია მონაწილეობას არ მიიღებს.

თუკი სტატუს კვო შეიცვლება – პოლიტპატიმრები ციხიდან გამოვლენ, ახალი საპარლამენტო არჩევნები დაინიშნება, ცენტრალური საარჩევნო კომისია შეიცვლება და მას „ქართული ოცნების“ ხელისუფლება არ ჩაატარებს, რა თქმა უნდა, ამისთვის პოლიტიკური ორგანიზაცია მზად უნდა იყოს, მაგრამ ამ პირობებში, რეპრესიებში – თვითმმართველობის არჩევნებში გასვლა, არა თუ უაზრობაა, არამედ იმ პროცესის ღალატია, რომელიც რუსთაველის გამზირზე ამდენი ხნის განმავლობაში მიმდინარეობს“, – განაცხადა სანიკიძემ.

გააზიარეთ და მოიწონეთ სტატია:

მსგავსი სტატიები:

15 წლის მოზარდი, რომელსაც კორონავირუსი დაუდასტურდა, მართვით სუნთქვაზეა ვის ეკუთვნის “პარვუს ჯგუფი”, რომელიც ოზურგეთში ინტერნეტის ინფრასტრუქტურას მოაწყობს? “პირდაპირ აბრა ხომ არ უნდა გამოვაკრათ, რომ დამყარებულია დიქტატურა?”- ზაალ უდუმაშვილი 10 დავიწყებული ქართული ტრადიცია, რომელთა შესახებაც შესაძლოა, არ გსმენიათ “მეგონა, ვიცოდი რა იყო მამაცობა, მაგრამ მერე ვნახე უკრაინა” – წარწერა ნიუ-იორკში “ერთი წელი გავიდა სასტიკი მკვლელობიდან…ჩემო წამებით გასულო შვილო ამ ქვეყნიდან, ჩემო ნიკო მადლობა იმ ოცდაორი ძვირფასი წლისთვის…ბერი პაისი ამბობს, ნაადრევად ზეცაში გასული შვილები, ღირსეულ მშობლებს სამოთხის კართან რიპიდებით ხვდებიანო, უკვე წარმომიდგენია ის დღეც”-ნიკო კვარაცხელიას დედა “თბილისი გადაქცეულია 30-იანი წლების ჩიკაგოდ, სასაკლაოდ” – ანა დოლიძე “ძებნაში ჩაერთოს ვერტმფრენი, სითბური დრონები” – სოფელ ლატალში მოსახლეობამ გზა გადაკეტა