ოზურგეთის საკრებულოს თავმჯდომარეს, დავით დარჩიასა და ოზურგეთის მერს, ავთანდილ თალაკვაძეს შორის დაპირისპირება კულმინაციას აღწევს.
საქმე იქმადეც მივიდა, რომ მხარეები და მათი უწყებები ერთმანეთს ოფიციალურ ტექსტებშიც კი აღარ მოიხსენიებენ.
პირველად ეს საქართველოს რეგიონული განვითარების მინისტრის, კახაბერ გულედანის, გურიის რეგიონში ვიზიტთან დაკავშირებული ნიუსების გავრცელებისას მოხდა.
ოზურგეთის საკრებულომ ისე გაავრცელა ეს ვიზიტი და სამუშაო შეხვედრაში ყველა მონაწილე ისე მოიხსენია, რომ ავთანდილ თალაკვაძე საერთოდ არ ახსენა.
თავის მხრივ ანალოგიურად მოიქცა ოზურგეთის მერიაც და ავთანდილ თალაკვაძეც;
გთავაზობთ ორთავე უწყების მიერ საკუთარ ფეისბუკ გვერდებზე გაზიარებულ ტექსტებს:
ავთანდილ თალაკვაძე / Avtandil Talakvadze
საქართველოს რეგიონული განვითარების მინისტრთან, კახაბერ გულედანთან, მინისტრის პირველ მოადგილესთან, ლევან ზაუტაშვილთან და გურიის რეგიონში სახელმწიფო რწმუნებულ გიორგი ღურჯუმელიძესთან ერთად, მიმდინარე და დაგეგმილი ინფრასტრუქტურული პროექტები განვიხილეთ.შეხვედრაზე ყურადღება დაეთმო მუნიციპალიტეტებში არსებულ სოციალურ პროგრამებს, ასევე პროექტებს, რომლებიც სპორტის, კულტურისა და ახალგაზრდობის ხელშეწყობის მიმართულებით ხორციელდება.
ვისაუბრეთ სტიქიის შედეგების სალიკვიდაციო ღონისძიებების მიმდინარეობის შესახებ და ვიმსჯელეთ არსებულ გამოწვევებზე, მოსახლეობის საჭიროებებსა და მათი გადაჭრის გზებზე.
საქართველოს რეგიონული განვითარების მინისტრმა კახაბერ გულედანმა, გურიის რეგიონში, ადგილობრივი ხელისუფლების წარმომადგენლებთან, მიმდინარე და დაგეგმილი ინფრასტრუქტურული პროექტები განიხილა.
შეხვედრაზე, რომელსაც გურიის რეგიონში სახელმწიფო რწმუნებული გიორგი ღურჯუმელიძე და რეგიონის მუნიციპალიტეტების მერები და საკრებულოების თავმჯდომარეები ესწრებოდნენ, მინისტრმა ხაზი გაუსვა დაგეგმილი პროექტების ვადებში და ხარისხიანად შესრულების აუცილებლობას და ადგილობრივ ხელისუფლებას მოუწოდა, ამ კუთხით მაქსიმალური ყურადღება გამოიჩინონ.
შეხვედრაზე ყურადღება დაეთმო რეგიონში არსებულ სოციალურ პროგრამებს, ასევე პროექტებს, რომლებიც სპორტის, კულტურისა და ახალგაზრდობის ხელშეწყობის მიმართულებით ხორციელდება.
შეხვედრაზე იმსჯელეს რეგიონში არსებულ გამოწვევებზე, მოსახლეობის საჭიროებებზე და მათი გადაჭრის გზებზე. მინისტრმა ასევე მოისმინა ინფორმაცია სტიქიის შედეგების სალიკვიდაციო ღონისძიებების მიმდინარეობის შესახებ.
შეხვედრას რეგიონული განვითარების მინისტრის პირველი მოადგილე ლევან ზაუტაშვილი და ოზურგეთის მუნიციპალური საკრებულოს თავმჯდომარე, დავით დარჩია ესწრებოდნენ.
გააზიარეთ და მოიწონეთ სტატია:
მსგავსი სტატიები:
ბახმაროში ჩარჩენილები შველას ითხოვენ
“ღარიბაშვილს ბევრი არჩევანი ჰქონდა, მაგრამ ივანიშვილების მონობა აირჩია”
დღეს გურიაში კორონავირუსით დაინფიცირების 4 შემთხვევა გამოვლინდა
კაცი, რომელმაც საქართველოს ეგზარქოსის ხელშეწყობით ქართული ეკლესიები გაძარცვა
დიმიტრი გორდონი – ჩემი დეპორტაცია არასდროს არსაიდან მომხდარა – საქართველოს ხელისუფლებას ეშინია სააკაშვილთან ჩემი შეხვედრის, რომელთან ინტერვიუს ჩაწერაც პირდაპირ ციხეში მსურდა
“მამად მიგვაჩნდით და მამინაცვალზე უარესი აღმოჩნდით”-უკრაინელი სასულიერო პირები პატრიარქ კირილს
„მერამდენედ უნდა დაიხრჩოს ეს ხალხი ერთსა და იმავე მდინარეში, აღარ ვიცი უკვე“ – დავით ზურაბიშვილი
გურია – 1855 წლის ოქტომბრის ქრონიკები
