არცერთ ეტაპზე არ ვაპირებთ რეჟიმთან თანამშრომლობას – კოალიცია ცვლილებისთვის ყაველაშვილზე

კოალიცია ცვლილებისთვის ივანიშვილის პრეზიდენტის მიხეილ ყაველაშვილის განცხადებას ეხმაურება და წერს, რომ არცერთ ეტაპზე არ აპირებენ რეჟიმთან თანამშრომლობასა და მათთვის ლეგიტიმაციის მინიჭებას.

ყაველაშვილმა დღეს, 4 ივლისს მსჯავრდებულ ოპოზიციონერ ლიდერებს შესთავაზა, რომ მას შეწყალების თხოვნით მიმართონ. ივანიშვილის პრეზიდენტი პოლიტიკოსებს დათქმას უწესებს და მოითხოვს, რომ შეწყალების შესახებ განცხადებაში ოპოზიციონერებმა დაადასტურონ “საკუთარი სურვილი არჩევნებში მონაწილეობის შესახებ”.

კოალიცია ცვლილებისთვის შეფასებით, ყაველაშვილის განცხადებით დადასტურდა, რომ ოპოზიციონერი ლიდერები იმიტომ დააკავეს, რომ რეჟიმის ლეგიტიმაცია არ ცნეს.

“ე.წ. პრეზიდენტის პირით რეჟიმმა დაადასტურა, რომ ადგილობრივ არჩევნებად წოდებულ ყალბ, კრიმინალურ პროცესში პროდასავლური ძალების მონაწილეობა არის რეჟიმის გადარჩენისა და ცვლილებების გადავადების ერთადერთი გზა და რომ ამის მისაღწევად ყველანაირ გარიგებაზე წავლენ.

დადასტურდა ისიც, რომ პოლიტიკური ლიდერები რეალურად უსამართლოდ და მხოლოდ და მხოლოდ იმიტომ დაატყვევეს, რომ მათ არ აღიარეს გაყალბებული არჩევნების შედეგები და არ ცნეს რეჟიმის ლეგიტიმაცია.

ნათელი გახდა, რომ რეჟიმი საკუთარი ლეგიტიმაციის ერთადერთ გზად განიხილავს პროდასავლური ძალების ე.წ. თვითმმართველობის არჩევნებში მონაწილეობას და სწორედ ამ საკითხზე ვაჭრობს პოლიტიკური პატიმრების თავისუფლებით.

ჩვენი პოზიცია არის უცვლელი – არცერთ ეტაპზე არ ვაპირებთ რეჟიმთან თანამშრომლობასა და მათთვის ლეგიტიმაციის მინიჭებას. გამარჯვების გზა გადის ართანამშრომლობასა და წინააღმდეგობაზე”. – ნათქვამია კოალიციის განცხადებაში.

ყაველაშვილის განცხადებას ბრიფინგით უპასუხა ლელოს გენერალურმა მდივანმა, ირაკლი კუპრაძემ. კუპრაძის თქმით, ” არანაირი შეწყალების მიმართვა არალეგიტიმური პრეზიდენტისთვის არ იქნება, ჩვენ ყაველაშვილს მივუთითებთ გზას რუსული ხომალდის მიმართულებით”.

გააზიარეთ და მოიწონეთ სტატია:

მსგავსი სტატიები:

დღეს გურიის რეგიონში კორონავირუსის 106 შემთხვევა დადასტურდა მსოფლიოში კოვიდინფიცირების მატების ფონზე, Moderna-მ და Pfizer-მა ვაქცინების ღირებულება გაზარდეს საქართველოს უახლეს ისტორიაში, ყველა ნაძირალა და ქვეყნის მოღალატე სამეგრელოს უსწორდებოდა! – ნიკა გვარამია ჰარვარდის უნივერსიტეტი რუს სტუდენტებს სწავლის პროცესს უჩერებს „კრედიტ სუისთან“ სამართლებრივი დავის ფარგლებში მხოლოდ სასამართლოს გზით ვიბრძოლებთ – ივანიშვილის ადვოკატი “არ შეიძლება მის კუჭზე და ორგანოებზე გადიოდეს საქართველოს ევროინტეგრაციის საკითხი” – მამუკა მდინარაძე სააკაშვილზე რა წერია ქართულ ქარტიაში – დოკუმენტი წვიმა და ელჭექი – 2 მაისის ამინდის პროგნოზი