„ნაციონალური მოძრაობის“ წევრის, ლაშა ცანავას განცხადებით, მას დაკავების შემდეგ, სუს-ში განუცხადეს, რომ გაათავისუფლებდნენ, თუკი, მის თანაგუნდელს, ლევან ხაბეიშვილს ფარულად ჩაიწერდა.
აღნიშნულის შესახებ ცანავამ საკუთარ სასამართლო პროცესზე განაცხადა.
“გასაგებია, რატომაც დამაკავეს. “მოდულის” შენობაში ორი დიდი თანამდებობის პირი მოვიდა და მესაუბრა. შემომთავაზეს თავისუფლება, დიდი ოდენობით თანხა და ამისთვის ჩემი უახლოესი მეგობრის – ლევან ხაბეიშვილის ყველა ნაბიჯის ჩაწერა, სად მიდის, ვის ელაპარაკებაო. მე ლევანის უახლოესი გარემოცვა ვარ. მათი[სუს-ის] სულ უფროსი, ლევანის ბევრჯერ უხსენებია, ოხანაშვილზეა საუბარი, ლევანზე გამწარებული, უნდოდათ ჩემი ხელით ჩამეწერა, მესმინა, მეთანამშრომლა. ასეთ რაღაცას ცხოვრებაში არ გავაკეთებ. ჩემთვის კაცობა და ერთგულებაა პირველი”,- განაცხადა ცანავამ.
ლაშა ცანავას ბრალდება გუშინ წაუყენეს. პროკურატურის ინფორმაციით, ლაშა ცანავა უცხო ქვეყნის მოქალაქეს გავლენიანი ნაცნობების მეშვეობით საქართველოში ერთწლიანი ბინადრობის ნებართვის მიღებას შეჰპირდა, რის სანაცვლოდაც მას 5 600 ამერიკული დოლარი მოსთხოვა.
ცნობისთვის, ლაშა ცანავა სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა დააკავეს. მას ბრალდება დიდი ოდენობით თაღლითობის მცდელობის ფაქტზე წარედგინა, რაც სასჯელის სახედ და ზომად ჯარიმას, ან ექსვიდან ცხრა წლამდე თავისუფლების აღკვეთას ითვალისწინებს.
მსგავსი სტატიები:
ვიდეო: ოზურგეთში პატრულის მანქანას გლეხი თავს ნაჯახით დაესხა
მკველობა ზუგდიდში – მოკლულია 60 წლამდე კაცი
დადასტურებული ამომრჩევლის მოსყიდვის ფაქტი ოზურგეთში
“ქართულმა ოცნებამ” ქალაქი ოზურგეთი მეტალოპლასტმასში “ჩასვა”
2021 წელს ქურდული სამყაროს წევრობისა და მასში მონაწილეობისთვის დევნა 96 პირის მიმართ დაიწყო
დაკავებულების ახლობლები სატყეო სააგენტოს სიცრუის გავრცელებაში ადანაშაულებენ
ცოლად შერთვის მიზნით არასრულწლოვანი გაიტაცეს
ოზურგეთის :”უნივერმაღის” დირექტორს თავში ნაჯახი ჩაარტყეს
