ევროკავშირი არასამთავრობო ორგანიზაციების ანგარიშების დაყადაღებას ეხმიანება და “ქართულ ოცნებას” მოუწოდებს დაუყოვნებლივ გააუქმოს გადაწყვეტილება.
ევროკავშირის განცხადებით, ამ ორგანიზაციების მიზანში ამოღება ეწინააღმდეგება ფუნდამენტურ დემოკრატიულ ღირებულებებს და ძირს უთხრის კანდიდატი ქვეყნისგან მოსალოდნელ ძირითად პრინციპებს.
განცხადებაში აღნიშნულია, რომ 7 არასამთავრობო ორგანიზაციის ანგარიშების დაყადაღება ფუნდამენტური უფლებების კიდევ ერთი თავდასხმა და სასამართლო სისტემის რეპრესიის იარაღად გამოყენებაა.
”ევროკავშირი მოუწოდებს საქართველოს ხელისუფლებას, დაუყოვნებლივ გააუქმოს დამოუკიდებელი სამოქალაქო საზოგადოების ორგანიზაციების საბანკო ანგარიშების გაყინვის გადაწყვეტილება.
ეს არის ფუნდამენტური უფლებების კიდევ ერთი თავდასხმა და სასამართლო სისტემის რეპრესიის იარაღად გამოყენება – პოლიტიკური დევნის აქტი განზრახ ფინანსური დახრჩობის გზით, რომელიც მიზნად ისახავს განსხვავებული აზრის გაჩუმებას და დასჯას.
სამოქალაქო საზოგადოების ორგანიზაციები არ არიან სახელმწიფოს მტრები, არამედ დემოკრატიული პლურალიზმისა და ანგარიშვალდებულების ხერხემალია. წლების განმავლობაში, საქართველოს ენერგიული სამოქალაქო საზოგადოება ქვეყნის ევროპული ინტეგრაციის მამოძრავებელი ძალა იყო, რაც ხელშესახებ სარგებელს მოუტანდა მის მოქალაქეებს. ამ ორგანიზაციების მიზანში ამოღება ეწინააღმდეგება ფუნდამენტურ დემოკრატიულ ღირებულებებს და ძირს უთხრის კანდიდატი ქვეყნისგან მოსალოდნელ ძირითად პრინციპებს.
ევროკავშირი მტკიცედ უჭერს მხარს საქართველოს მდგრად და მამაც სამოქალაქო საზოგადოებას, რომელიც აგრძელებს მოქალაქეების მომსახურებას ხელისუფლების მხრიდან მზარდი რეპრესიების მიუხედავად,” – წერია განცხადებაში.
შეგახსენებთ, რომ თბილისის საქალაქო სასამართლომ, ვატო შაქარაშვილის ორგანიზაციის საჩივრის საფუძველზე და პროკურატურის შუამდგომლობით, 7 არასამთავრობო ორგანიზაციის საბანკო ანგარიშები დააყადაღა.
მსგავსი სტატიები:
“წყალი მარგებელი” კომპანიაში მიმდინარე მოვლენებზე ოფიციალურ განცხადებას ავრცელებს
რას წერდა ვალიკო ჯუღელი დღიურში
“ჩასვამენ ავტობუსებში დილას მისულ ხალხს რეგიონებში და ექსკურსიაზე წამოიყვანენ თბილისში” – ხუხაშვილი “ოცნების” დაანონსებულ აქციაზე
ვიდეო: უკრაინის მხარდამჭერი აქცია ლანჩხუთში
NASA-მ ჯეიმს ვების ტელესკოპის მიერ გადაღებული პირველი ფოტო გაავრცელა
“მაგ შტერებმა კარგად წაიკითხონ ევროსასამართლოს გადაწყვეტილება…საქმე დაუბრუნდება გამოძიებას”– მაჩალიკაშვილი
რუსეთი აფხაზეთში ჩასვლას სახიფათოდ თვლის – წყენა ორივე მხარეს იზრდება
“ქართველ ხალხს სურს არჩევნების ხელახლა ჩატარება დემოკრატიულ პირობებში და ეს უნდა მისცეთ მათ, ეს არის უფლება, რომლისთვისაც იბრძვიან” | ლაგოდინსკი
