“ვერაფერს დამაკლებენ, რაც არ მკლავს ის მაძლიერებს” – სინდისის პატიმარი, არჩილ მუსელიანცი ციხიდან დედობილს, ცარო ოშაყმაშვილს წერილს უგზავნის და მადლობას უხდის ყველაფრისთვის, რასაც აკეთებს.
- წერილი სინდისის პატიმრის განაჩენის გამოცხადების დღესაა დაწერილი.
მუსელიანცი წერილში წერს, რომ წყენას და ბრაზს გრძნობს არა იმიტომ, რომ ცოდოა, არამედ იმიტომ, რომ უსამართლობაა მისი განაჩენი.
”22/08/2025: ცარო, ჩემო კარგო ადამიანო მე კი ვიცოდი, რომ მომისჯიან – უფრო სწორედ მომისჯიდნენ, მაგრამ გულში მაინც წყენა მაქვს, ბრაზი და უსამართლობა. საკანში ვარ და ძლივს ვიკავებ თავს, რომ ცრემლები არ წამომივიდეს, არა იმიტომ, რომ ცოდო ვარ – არა, ვერ გამტეხავენ მაინც, იმიტომ რომ უსამართლობაა თან ძალიან დიდი, განაჩენის გამოცხადებისას მიზანმიმართულად არ მინდოდა შენთვის შეხედვა, მეშინოდა ცრემლების დანახვის, რომ დამენახა თავს ვეღარ შევიკავებდი და ავტეხავდი ამბავს, თუმცა პირობა შეგისრულებია და არ გიტირია. ახლა “ტვ პირველს” ვუყურებ ვიკა ბუკიასთან ხარ სტუდიაში. მინდა მადლობა გადაგიხადო კიდევ ერთხელ, შენ რომ არა არ ვიცი როგორ გადავიტანდი ამ ყველაფერს, მადლობა ყველაფრისთვის, რასაც აკეთებდი და აკეთებ.
მაგრამ მაინც მკიდია, ვერაფერს დამაკლებენ, რაც არ მკლავს ის მაძლიერებს.
ახლა კი “ფორმულაზე” გიყურებ, საღამოა, სოფო ზურაბიანის “პოლიტიკის ფორმლის” სტუდიაში. ნერვიულობას ვგრძნობ, მეც ნერვიულობას ვიწყებ. ასე რომ ყველაფერი მაგრად იქნება.
კიდე იდეა მომივიდა, ხანგრძლივი პაემანი ჰქვია მაგას. იქნებ მაგაზეც დაწერო? ან პირისპირ შეხვედრაზე შუშის გარეშე? ერთხელ მაინც ჩაგეხუტო, სადაც ეგრე გიშვებენ უსაბუთოდ, პირისპირზეც უნდა დაგრთონ ნება, დაწერე განცხადება. განცხადებაში მიუთითე, რომ პირისპირ შეხვედრაზე ციხის თანამშრომელიც რომ ესწრებოდეს არ გვაქვს პრობლემა. ამათ უფრო გულს მოვულბობთ მაგით. ან ხანგრძლივი პაემანი – ხანგრძლივი იმიტომ ჰქვია, რომ 24 საათიანია, დილით რომ მოხვალ როცა გინდა მაშინ წახვალ. მგონი მოგიყევი ამის შესახებ. დიტოს შეეხმიანე და კითხე ამის შესახებ, თუ შეიძლება ასეთი რამ.
24/08/2025: თუ მე ღია ტიპის დაწესებულებაში მომივა, მაშინ ქსნის მე-15 დაწესებულებაში გადავალ, სოფელ ქსანთან არის ეს დაწესებულება და მაგიტომ ეძახიან ქსნის ციხეს,” – წერს მუსელიანცი.
არჩილ მუსელიანცს მოსამართლე გიორგი არევაძემ 22 აგვისტოს 4 წლით პატიმრობა მიუსაჯა.
შეგახსენებთ, რომ არჩილ მუსელიანცი 2024 წლის 30 ნოემბერს დააკავეს. თავდაპირველად ის ადმინისტრაციული მუხლით იყო დაკავებული, თუმცა შემდეგში, აღნიშნული მუხლი სისხლის სამართლით ჩადენილი დანაშაულით, 187-ე მუხლის მეორე ნაწილით გადაუკვალიფიცირდა, რაც გულისხმობს სხვისი ნივთის განზრახ დაზიანებას და განადგურებას.
მსგავსი სტატიები:
“აბა ჰესები არ გვჭირდება? აბა რუსეთზე ვიყოთ დამოკიდებული?”
მეხის დაცემის შედეგად ლანჩხუთში მარტოხელა ქალს სახლი მთლიანად დაეწვა
“მასკარადი და ფეიკ სხდომა, რომელიც დღეს ლანჩხუთის საკრებულომ დადგა”
რუსები დიდი მსხვერპლის დასამალად თავიანთ გარდაცვლილ ჯარისკაცებს წვავენ- მარკ ფეიგინი
„კრედიტ სუისთან“ სამართლებრივი დავის ფარგლებში მხოლოდ სასამართლოს გზით ვიბრძოლებთ – ივანიშვილის ადვოკატი
“არ შეიძლება მის კუჭზე და ორგანოებზე გადიოდეს საქართველოს ევროინტეგრაციის საკითხი” – მამუკა მდინარაძე სააკაშვილზე
რა წერია ქართულ ქარტიაში – დოკუმენტი
წვიმა და ელჭექი – 2 მაისის ამინდის პროგნოზი
