“პროკურატურამ [ფონდის ჩამრიცხველებისგან] გამოარჩია მხოლოდ 2 გვარი: ბაჩიაშვილი და გილაური” – ნანუკა ჟორჟოლიანმა პროკურატურაში გამომძიებლის კითხვებს უპასუხა.
ტელეწამყვანის ცნობით, გამომძიებელს აინტერესებდა რა მიზნით ჩარიცხეს ფული “ნანუკას ფონდში” გიორგი ბაჩიაშვილმა და ნიკა გილაურმა, მიუხედავად იმისა, რომ ჩარიცხვის დოკუმენტში მიზნობრიობა მითითებული იყო.
ნანუკა ჟორჟოლიანის განცხადებით ინფორმაცია, რომელმა ბიზნესმენმა რისთვის ჩარიცხა ფონდში ფული საჯაროა.
”ვიყავი მისული წესდებით, რომ პროკურატურისთვის კიდევ ერთხელ შემეხსენებინა, რომ ყველა გადარიცხვა ითვალისწინებს იმ ნორმას, რასაც უშვებდა წესდება, რის უფლებასაც წესდება მაძლევდა, ეს ერთი.
მეორე, თქვენ იცით, რომ ფონდში არის ძალიან ბევრი, ალბათ ათი ათასობით ჩარიცხვა, დაწყებული ერთი ლარიდან, დამთავრებული ათი ათასობით ლარით და ემიგრანტები და ასე შემდეგ, ბიზნესმენები, საბანკო სექტორი და ძაან ბევრი ჩამრიცხველი ჰყავდა, მაგრამ პროკურატურამ ამ ყველასგან გამოარჩია მხოლოდ ორი გვარი: ეს იყო ბაჩიაშვილი და გილაური. პროკურატურას აინტერესებდა ბაჩიაშვილის და გილაურის თანხა რისთვის იყო, მიუხედავად რომ იქ მიზნობრიობა იყო და რაში დაიხარჯა ეს თანხა. პასუხი გავეცი და ვუთხარი კიდევაც, რომ გილაურთან დაკავშირებით, დღეს, დღევანდელი ჩემი გადმოსახედიდან, “ქართულ ოცნებას” უფრო შეუძლია ინფორმაცია მომაწოდოს, ვიდრე მე მას მივაწოდო ინფორმაცია. ამიტომ ეს შეკითხვა ჩავთვალე, რომ ჩემთან არ იყო და დაესვათ ნიკა გილაურისთვის. თუმცა საჯარო იყო რატომ ჩარიცხა ორივე ადამიანმა და არა მხოლოდ მათ, არამედ ყველა სხვა ბიზნესმენმა ჩვენ ფონდში ფული,” – განაცხადა ნანუკა ჟორჟოლიანმა.
ადვოკატის, გუჯა ავსაჯანიშვილის თქმით, გამომძიებელს არ სურდა, რომ სიმართლე მოესმინა, შედეგად “რაღაცებს აკლებდა ხოლმე” და აქედან გამომდინარე დაკითხვა მიმდინარეობდა დაძაბულ გარემოში.
”არ იყო ისეთი კითხვები, რომელზეც მაგალითად არ იყო რაიმე პასუხი გაცემული. ყველა კითხვაზე იყო პასუხი სრულად გაცემული, მაგრამ გამომძიებელს არ სურდა, რომ ეს სიმართლე მოესმინა და რაღაცებს აკლებდა ხოლმე და აქედან გამომდინარე დაკითხვა მიმდინარეობდა დაძაბულ გარემოში, დაძაბულ ვითარებაში. საბოლოოდ ის სიმართლე დაიწერა, რა სიმართლეც იყო აღნიშნულ საქმესთან დაკავშირებით…” – განაცხადა გუჯა ავსაჯანიშვილმა.
შეგახსენებთ, რომ ტელეწამყვანი საგამოძიებო უწყებაში მოწმის სტატუსით ე.წ. პირბადეების საქმეზე დაიბარეს. საქმე სოლიდარობის ფონდებს ეხება, როდესაც დარბეულ და სპეცრაზმის მერ ნაცემ ხალხს ეხმარებოდნენ.
მსგავსი სტატიები:
გათავისუფლდებიან თუ არა პირბადის ტარებისგან ისინი, ვინც ვაქცინა უკვე გაიკეთა
გადადგომის მოთხოვნა ნორმალურია, ეს მათი ოცნებაა – ღარიბაშვილი
თურქეთის პრეზიდენტმა ლირას გაუფასურების გამო ფინანსთა მინისტრი მოხსნა
სუსი უკრაინას სთხოვს კონტრაბანდული ტვირთების გადატანაზე მტკიცებულებები გამოუგზავნოს
ნარუჯასა და ლაითურში მინი ფეხბურთში ჩემპიონატი გაიმართა
შემოქმედის ციხე მოსტეხეს და შემოქმედი მოსწვეს
ქართული საზოგადოების მისწრაფებები და ოცნებები ივანიშვილის მძევალია – ბასი
არმაზ ახვლედიანი – მარკო რუბიომ მის განცხადებაში სწორედ საქართველო იგულისხმა და მისი კომენტარი „ოცნებისთვის“ გაფრთხილებაა
