პროფესორ-მასწავლებლები პეტიციას ავრცელებენ და მთავრობას მოუწოდებენ, რომ უარი თქვას ქვეყნის განუხრელი დემოკრატული განვითარების შეფერხებაზე. პროფესორ მასწავლებლები აცხადებენ, რომ შექმნილი პოლიტიკური თუ სამართლებრივი კრიზისის განმუხტვის ნაცვლად, ხელისუფლების შეუზღუდავმა მოქმედებებმა, საზოგადოების განსხვავებული ჯგუფების პროტესტი გამოიწვია.
გარდა ამისა, პროფესორ-მასწავლებლები აცხადებენ, რომ კანონის უზენაესობისა და სხვა ფუძემდებლური პრინციპების შინაარსისგან დაცლილი და არასწორი განმარტება, სრულიად აცდენილია იმ ღირებულებებს, რომლისკენაც ჩვენი ქვეყანა მიისწრაფვის.
“შეშფოთებას გამოვთქვამთ და ვგმობთ ხელისუფლების მზარდ სიხისტეს პოლიტიკური ოპონენტებისა თუ სამოქალაქო საზოგადოების წარმომადგენელთა მიმართ. აგრესიული რევანშიზმის პოლიტიკა, არსებითად აზიანებს სახელმწიფოს ინტერესებს და ჩვენი ქვეყნის დემოკრატიულ განვითარებას. დღეს, ყველანი გავერთიანდით სამართლებრივი სახელმწიფოს იდეის დაცვის გარშემო. ნათელია, რომ კანონის უზენაესობისა და სხვა ფუძემდებლური პრინციპების ასეთი ფორმალური, შინაარსისგან დაცლილი და არასწორი განმარტება, სრულიად აცდენილია იმ ღირებულებებს, რომლისკენაც ჩვენი ქვეყანა მიისწრაფვის. ამგვარი პოლიტიკის გატარება, ხელს არ უწყობს ქართველი ხალხის მიერ კონსტიტუციით გაცხადებული ფასეულობების დამკვიდრებას და გარდაუვლად ზრდის დასავლური პარტნიორების სკეპტიციზმს”, – ნათქვამია პეტიციაში.
მსგავსი სტატიები:
“ერთი კვირა გვაქვს დარჩენილი რუბიკონის გადალახვამდე”- ხუხაშვილი
“მშობლებმა არ იციან, ინტერნეტი შეუძინონ შვილებს თუ საკვები”- ლადო აფხაზავა
“საერთოდ, ამ ქვეყანაში დარჩენის აზრსაც ვეღარ ვხედავ”…
“გაერთიანებული სამეფო მომავალშიც მტკიცედ დაუჭერს მხარს საქართველოს ტერიტორიულ მთლიანობას”
“უკომენტაროდ”-ჩოხატაურის მერი ბრალდებებს არ პასუხობს
“ივანიშვილის ადიუტანტებო, მაგ ჩურჩუტ თავებში შეუშვით, რომ მე ამ ბრძოლაში მხოლოდ ბრძოლისთვის არ ვარ”
ნინო ლომჯარია დღეს ნინოწმინდის ბავშვთა პანსიონში ჩავა
“არ მაინტერესებს ზოგიერთი პოლიტიკოსის ქარაქუცობა, მე ამათ შემოდგომაზე ბოლომდე შევუსრულებ”