რუსეთი შეერთებულ შტატებს მოუწოდებს, უზრუნველყოს ნავთობტანკერ Marinera-ს ბორტზე მყოფი რუსეთის მოქალაქეების ჰუმანური მოპყრობა და მათი უფლებების დაცვა. ამის შესახებ რუსეთის საგარეო საქმეთა სამინისტრომ განაცხადა.
უწყების ინფორმაციით, ჩრდილო ატლანტიკაში რუსული დროშის ქვეშ მცურავ გემზე აშშ-ის სამხედროები ავიდნენ. მოსკოვი აღნიშნავს, რომ ეკიპაჟში რუსეთის მოქალაქეები იმყოფებიან და მოითხოვს მათი უფლებებისა და ინტერესების დაცვას, ასევე მათთვის სამშობლოში დროულად დაბრუნების შესაძლებლობის უზრუნველყოფას.
პენტაგონის ცნობით, ნავთობტანკერი აშშ-ის სანქციების დარღვევის საფუძველზე დააკავეს. აშშ-ის იუსტიციისა და შიდა უსაფრთხოების დეპარტამენტების განცხადებით, თავდაცვის დეპარტამენტთან კოორდინაციით, გემი ჩრდილო ატლანტიკაში აშშ-ის ფედერალური სასამართლოს ორდერის საფუძველზე იქნა დაკავებული.
რუსეთის ტრანსპორტის სამინისტრო აცხადებს, რომ გემზე ასვლა საერთაშორისო წყლებში მოხდა, რის შემდეგაც Marinera-სთან კავშირი დაიკარგა. უწყება ხაზს უსვამს, რომ გაეროს ზღვის სამართლის კონვენციის მიხედვით, ღია ზღვაზე მოქმედებს ნავიგაციის თავისუფლების პრინციპი და სხვა სახელმწიფოს რეგისტრირებული გემის წინააღმდეგ ძალის გამოყენება დაუშვებელია.
მსგავსი სტატიები:
დილის მონაცემებით 123 ინფიცირებული სამედიცინო პერსონალი გვყავს – გამყრელიძე
“14 წლის გოგოსთან სექსუალური კავშირი ძალადობაა! შეიგნეთ ხალხო!”
იაპონური სერაუ: მგელი ცხვრის ტყავში
დაძაბულობა ალტ-ინფოს ოზურგეთის ახალ გახსნილ ოფისთან
არჩილ თალაკვაძე ნიკა მელიას ემუქრება – „თქვენი თითები შეიძლება, ამ ფანჯარაშია მოყოლილი“
გვარამიას დაპატიმრება მთავრობის მხრიდან კონტრპროდუქტიული ნაბიჯი იყო – ლეო დოქერტი
ქართული გარეგნობის, მაგრამ რუსი ოლიგარქი ლაპარაკობს უტიფრობას, კრემლის გზავნილებს – ბარამიძე
ადგილი, სადაც რუსი ჯარისკაცი ფეხს დადგამს, ჩვენია – პუტინი
