გამოცემა Telegraph-ის ინფორმაციით, დავოსში მსოფლიო ლიდერების შეხვედრაზე უკრაინა და აშშ “კეთილდღეობის” $800-მილიარდიან შეთანხმებაზე ხელის მოწერას აპირებენ, რომლის მიზანიც უკრაინის რეკონსტრუქცია იქნება.
დასავლელმა მაღალჩინოსნებმა Telegraph-ს განუცხადეს, რომ უკრაინის პრეზიდენტი ვოლოდიმირ ზელენსკი და აშშ-ს პრეზიდენტი დონალდ ტრამპი მსოფლიო ეკონომიკურ ფორუმზე დასასწრებად შვეიცარიაში გაემგზავრებიან, სადაც მათი შეხვედრა და შეთანხმებაზე საბოლოო ხელმოწერაა მოსალოდნელი.
წყაროების ცნობით, ზელენსკი შემდეგ კვირას თეთრ სახლში ვიზიტს იმედოვნებდა, სადაც ეკონომიკური კეთილდღეობის გეგმასა და უკრაინისთვის ომის შემდგომი უსაფრთხოების გარანტიებზე ხელშეკრულებების გაფორმება სურდა, თუმცა, “მსურველთა კოალიციაში” მყოფმა ევროპელმა მხარდამჭერებმა ურჩიეს, რომ ტრამპთან შესახვედრად უფრო შესაფერისი ალტერნატივა მსოფლიო ეკონომიკური ფორუმი იყო.
უკრაინელი მაღალჩინოსნების თქმით, კეთილდღეობის გეგმა მიზნად ისახავს ათი წლის განმავლობაში ქვეყნის აღსადგენად დაახლოებით $800 მილიარდის მოზიდვასა და უკრაინის ეკონომიკის ამუშავებას.
ხოლო თავად ზელენსკი აღნიშნავს, რომ შეთანხმება უზრუნველყოფს “ეკონომიკურ რეაბილიტაციას, სამუშაო ადგილების აღდგენას და უკრაინაში სიცოცხლის დაბრუნებას.”
Telegraph-ის მიხედვით, შეთანხმება ხელს შეუწყობს კერძო კომპანიებიდან სესხების, გრანტებისა და საინვესტიციო შესაძლებლობების მეშვეობით აღნიშნული თანხების მოძიებას.
მსგავსი სტატიები:
ავტოსაგზაო შემთხვევა ოზურგეთში- არის მსხვერპლი
მოცვი და მისი სასარგებლო თვისებები
“ნაციონალმა” რაინდი დუმბაძემ კონკურენტებს ნარუჯაში 800 ხმით მოუგო
ერთი “შექანება” რას გვიზამს ამდენი ხნის “შექანებულებს” – ჩარკვიანი
Facebook-ი დიზაინსა და სარეკომენდაციო ალგორითმს მკვეთრად ცვლის – მიზეზი
“თუ პრეზიდენტი მოგიკვდათ ციხეში, დაივიწყეთ საერთოდ ყველაფერი” – გზავნილი ბრიუსელიდან
69 მუნიციპალიტეტს მხოლოდ 22 რეანიმობილი ჰყავს – არასაკმარისი სამედიცინო დახმარება ქვეყანაში
ირაკლი კობახიძეს მამაც დაუსანქცირა
