,,ივანიშვილის ავტორიტარულ ხელისუფლებას ავტონომიური სივრცეების ეშინია” – იაგო კაჭკაჭიშვილი

,,ივანიშვილის ავტორიტარულ ხელისუფლებას ავტონომიური სივრცეების ეშინია” – ამის შესახებ სოციოლოგმა, თბილისის სახელმწიფო უნივერსიტეტის პროფესორმა, იაგო კაჭკაჭიშვილმა განაცხადა.

მისი თქმით, უნივერსიტეტები “ქართული ოცნების” პირობებშიც ინარჩუნებდა ავტონომიურობას და დამოუკიდებლობას და სწორედ ეს ვერ მოითმინა ბიძინა ივანიშვილმა და მისმა ხელისუფლებამ.

იაგო კაჭკაჭიშვილი აღნიშნავს, რომ “ოცნების” მიერ დაანონსებული “განათლების რეფორმის” მიზანია დაამყაროს ტოტალური კონტროლი უმაღლეს სასწავლებლებზე.

,,აკადემიური სივრცე თანამედროვე საქართველოში იყო ლამის ერთადერთი სივრცე იმიტომ, რომ სხვა სივრცეები მნიშვნელოვნად ან გაანადგურეს, ან შეავიწროვეს, ან დააწიოკეს და ა.შ., იყო ერთადერთი სივრცე, რომელიც საკუთარი დღის წესრიგით ცხოვრობდა, საკუთარ პრიორიტეტებს თავად განსაზღვრავდა და ივანიშვილის ავტორიტარულ ხელისუფლებას ძალიან ეშინია ასეთი ავტონომიური სივრცეების, ისეთი სივრცეების, რომელსაც თვითონ ვერ მართავს, რომელსაც თვითონ ვერ აკონტროლებს. 

უნივერსიტეტები არ არიან მხოლოდ რექტორები, უნივერსიტეტები ასევე არიან პროფესორ-მასწავლებლები, აკადემიური პერსონალი, სტუდენტები და ა.შ. და კიდევ ერთხელ ვამბობ, უნივერსიტეტების ავტონომიურობის პრინციპის უზენაესობიდან გამომდინარე ეს სფერო მეტ-ნაკლებად ინარჩუნებდა ავტონომიურობას, დამოუკიდებლობას და იმას, რომ მას ივანიშვილის ავტორიტარული ხელისუფლების ვერტიკალში ერთი ჯაჭვის ერთი რგოლი არ ეკავა. ეს მოითმინა ივანიშვილმა, ვერ მოითმინა ამ ხელისუფლებამ. 

ამ რეფორმის კიდევ ერთი კონცენტრაცია არის ის, რომ მან დაამყაროს ტოტალური კონტროლი უმაღლეს სასწავლებლებზე,” – განაცხადა იაგო კაჭკაჭიშვილმა. 

ცნობისთვის, “ქართულმა ოცნების” ხელისუფლებამ თბილისის სახელმწიფო და ტექნიკური უნივერსიტეტების გაერთიანების გადაწყვეტილება მიიღო. ამის შესახებ “ქართული ოცნების” განათლების მინისტრმა, გივი მიქანაძემ ბრიფინგზე განაცხადა.

გააზიარეთ და მოიწონეთ სტატია:

მსგავსი სტატიები:

„აღშფოთებული ვარ“ – თემურ წიკლაურის შვილის პირველი კომენტარი 10 პროდუქტი, რომელზეც ფასი ყველაზე მეტად გაიზარდა “მაისმა თავი შეგვახსენა”-მოგონება ეთერის დაიმახსოვრეთ 2022 წლის 24 თებერვალი: ეს პუტინის დასასრულის დასაწყისია ვინც არ არის აცრილი, აიცრას! ვინც ორჯერ არის, „ბუსტერი” გაიკეთოს, ვისაც „ბუსტერი“ უკვე აქვს, მეორე „ბუსტერი” გაიკეთოს – გამყრელიძე ვინ არის ლანჩხუთში, ხის დაცემის შედეგად დაღუპული ბიჭი? ბახმაროში დაგეგმილი მშენებლობის პროექტი გენგეგმას შეესაბამება – კობახიძე „ბრიუსელში მიიჩნევენ, რომ საქართველო აღმოჩნდება თურქეთის მსგავს მდგომარეობაში, ოფიციალურად ევროკავშირის კანდიდატი, რომლის წევრობის გზაც არსებითად გაყინულია“ – იოზვიაკი