Pfizer/BioNTech-ის კორონავირუსის საწინააღმდეგო ვაქცინის შემქმნელების განცხადებით, იმავე ტექნოლოგიას კიბოს საწინააღმდეგო ვაქცინის შესაქმნელად გამოიყენებენ.
როგორც nbcnewyork წერს, ოზლემ თურეჯი, რომელიც ქმართან ერთად გერმანული კომპანიის, BioNTech-ის დამფუძნებელია, გასულ წელს, სწორედ მაშინ, როცა ჩინეთში ახალი კორონავირუსით ადამიანების ინფიცირების შესახებ გახდა ცნობილი, იმუნური სისტემის მომზადებაზე მუშაობდა სიმსივნის წინააღმდეგ.
როგორც გამოცემა წერს, წყვილმა გადაწყვიტა ახალი საფრთხის წინააღმდეგ მიემართა ტექნოლოგია, რომელზეც ორი ათწლეულის განმავლობაში მუშაობდა. დაახლოებით 11 თვეში ბრიტანეთმა აღნიშნული ტექნოლოგიის ვაქცინების გამოყენებას ავტორიზაცია მიანიჭა და BioNTech-მა ამერიკულ ფარმაცევტულ გიგანტ Pfizer-თან ერთად ვაქცინა შექმნა, რომლის პირველი დოზითაც მსოფლიოს გარშემო ათობით მილიონმა ადამიანი უკვე აიცრა.
გერმანიის ქალაქ მაინცში ბაზირებული პატარა კომპანიისთვის მთავარ გამოწვევას წარმოადგენდა ფართომასშტაბიანი კლინიკური ტესტირების წარმოება სხვადასხვა რეგიონში. ასევე, წარმოების მასშტაბების ზრდა იმისათვის, რომ გლობალური მოთხოვნა დაეკმაყოფილებინა.
როგორც გამოცემა წერს, კორონავირუსის ვაქცინის შექმნის შემდეგ კომპანიის ღირებულება მნიშვნელოვნად გაიზარდა, რაც BioNTech-ს აძლევს შესაძლებლობას ფინანსები მოახმაროს პირვანდელ მიზანს, კიბოს საწინააღმდეგო ინსტრუმენტის შექმნას.
BioNTech-Pfizer-ისა და Moderna-ს მიერ შექმნილი გენეტიკური ინფორმაციის ვაქცინების (mRNA) მსგავსი პრეპარატები, რომლებიც ადამიანის ორგანიზმს აწვდიან ინფორმაციას სპეციფიკური ვირუსის საწინააღმდეგო პროტეინების შექმნაზე, შესაძლოა კიბოს წინააღმდეგ იმუნური სისტემის მოსამზადებლადაც იქნას გამოყენებული.
“ჩვენ გვაქვს კიბოს საწინააღმდეგო რამდენიმე ვაქცინა, რომელიც ამ ტექნოლოგიაზეა დაფუძნებული” ,- აცხადებს BioNTech-ის მთავარი სამედიცინო სპეციალისტი.
კითხვაზე, როდის იქნება ხელმისაწვდომი მსგავსი პრეპარატი, თურეჯი ამბობს, რომ ასეთი პროგნოზების გაკეთება რთულია, თუმცა მოსალოდნელია, რომ ამას მხოლოდ რამდენიმე წელი დასჭირდება.
გასულ კვირას გერმანიის პრეზიდენტმა ცოლ-ქმარს ქვეყნის უმაღლესი ჯილდო მიანიჭა და უთხრა, რომ კვლევები “ერთი ინდივიდისთვის კიბოს მკურნალობით დაიწყეს. დღეს კი მათი წყალობით გვაქვს ვაქცინა მთელი კაცობრიობისთვის”.
“ნეტგაზეთი”
მსგავსი სტატიები:
რეკომენდაციები კოვიდის შესახებ -ექიმი მარინა ტოტოჩავა
სად შეძლებთ გურიის რეგიონში კორონავირუსზე სწრაფი ტესტის გაკეთებას – კლინიკების ჩამონათვლი
ბათუმის რესპუბლიკური საავადმყოფოს ტრავმატოლოგი კორონავირუსით გარდაიცვალა
ანტისხეულები აღმოაჩნდათ ახალშობილებს, რომელთა დედებიც კოვიდ 19-ით იყვნენ ინფიცირებულები – კვლევა
ოზურგეთის “მედალფას” კლინიკაში კოვიდინფიცირებულმა ქალმა იმშობიარა
საქართველოში კორონავირუსის 538 ახალი შემთხვევა დაფიქსირდა, ხოლო გარდაიცვალა 41 ადამიანი
“რამდენიმე განმარტება, კოვიდის შესახებ”-ექიმი მარინა ტოტოჩავა
ქვეყანაში ჯერ 100 000 ადამიანი მაინც უნდა აცრილიყო, რომ შეზღუდვები მოგვეხსნა – კულუმბეგოვი