საქართველოს ჯანდაცვის მინისტრმა ეკატერინე ტიკარაძემ ჟურნალისტებთან საუბრისას განაცხადა, რომ ბავშვებში კორონავირუსით ინფიცირების მაჩვენებელი მომატებულია და მნიშვნელოვანია მშობლები მაქსიმალური ყურადღებით მოეპყრონ რეგულაციებს.
„ბავშვებთან დაკავშირებით საჭიროა მაქსიმალური ყურადღება. ჩვენ ვხედავთ, რომ ბავშვებში მომატებულია ინფიცირება. მნიშვნელოვანია მშობლები მაქსიმალური ყურადღებით მოეპყრონ რეგულაციებს, დაიცვან შვილები. დღეს ეს არის ერთადერთი ბერკეტი, რითაც შეგვიძლია ბავშვების დაცვა. თუმცა, თუ მსოფლიო პრაქტიკა მიიღებს გადაწვეტილებას ბავშვების ვაქცინაციასთან მიმართებაში, საქართველოც შეუერთდება ამ გადაწყვეტილებას“.
ტიკარაძემ კომენტარი სასწავლო პროცესის შესახებაც გააკეთა და აღნიშნა, რომ ჯანდაცვის სამინისტრო მაქსიმალურად ეცდება, ინფექცია იყოს იმდენად სტაბილური, ბავშვებს მიეცეთ საშუალება, სკოლაში მიიღონ განათლება.
„ამაზე მსჯელობა შედარებით ადრეა, ჯერ აგვისტოს დასაწყისია, სწავლა 15 სექტემბრიდან იწყება. ჯანდაცვის სამინისტრო თავისი რეკომენდაციებით მაქსიმალურად ეცდება, ინფექცია იყოს იმდენად სტაბილური, რომ ბავშვებს მიეცეთ საშუალება ადგილზე მიიღონ განათლება“.
მსგავსი სტატიები:
“პატარა არავინ არ არის“ – ვოლსკის პასუხი ივანიშვილის ფრაზაზე “არ დამირეკოთ”
“ჰესი აუცილებლად უნდა აშენდეს,ის სიკეთეს მოუტანს არამარტო ქვეყანას, არამედ ხეობასაც”
“,,მომავლის მატარებელმა” 1901 წელს დაიწყო მოძრაობა დასავლეთ გერმანიის ქალაქ ვუპერტალში”
დედოფალ ელისაბედის აქამდე უცნობი ფოტოები
ლანჩხუთში ლენინის ბიუსტი მოიპარეს
“ჯერ უნდა გავიჭირვოთ და პირბადე უნდა ვატაროთ” – გამყრელიძე
ორ კვირაში ქვეყანაში კორონავირუსის საწინააღმდეგო ვაქცინის მილიონი დოზა შემოვა
ჰერპეტოლოგი: თბილისში წელს 4 გიურზა დავიჭირეთ