ოლიმპიური სახეობებიდან კარატე ბეისბოლი და სოფტბოლი ამოიღეს

  • ოლიმპიური თამაშების პროგრამაში სიახლეებია
  • კარატე ტოკიოში დაამატეს, თუმცა, ადგილი ვერ შეინარჩუნა

პარიზის ოლიმპიადის საორგანიზაციო კომიტეტმა ოფიციალურად დაადასტურა, რომ 2024 წლის თამაშების პროგრამაში ცვლილებები მოხდება.

მომავალ ოლიმპიურ თამაშებზე აღარ გათამაშდება მედლები კარატეში. ასევე ვერ ვიხილავთ პროგრამაში ბეისბოლსა და სოფტბოლს. სამაგიეროდ, პარიზის ოლიმპიადაზე დამატებულ იქნება ბრეიკ-დანსი.

შეგახსენებთ, რომ კარატე ოლიმპიადაში პირველად სწორედ ტოკიოში ჩართეს და მედლების 6 კომპლექტიც გათამაშდა (საქმეში ქართველი კარატისტი გოგიტა არქანიაც ვიხილეთ). მის თამაშებში დატოვებას ბევრი მომხრე ჰყავდა, თუმცა, საერთაშორისო ოლიმპიურმა კომიტეტმა სხვაგვარი გადაწყვეტილება მიიღო.

ცნობისთვის, პარიზის ოლიმპიური თამაშები 2024 წელს 26 ივლისიდან 11 აგვისტომდე პერიოდში ჩატარდება.

გააზიარეთ და მოიწონეთ სტატია:
Pin Share