“ვარდების რევოლუცია, მიხეილ სააკაშვილის თაოსნობით, ხალხმა მოახდინა… არაფერია იმაზე დიდი უსინდისობა, რომ დღეს ის ციხეშია”

“ვარდების რევოლუცია ხალხმა მოახდინა მიხეილ სააკაშვილის თაოსნობით და დღეს რომ ის ციხეშია, არამარტო ქვეყნის სირცხვილია, ანომალიაა და ეს ანომალია დიდხანს არ გაგრძელდება” – ამბობს ოპოზიციონერი პოლიტიკოსი გიგი უგულავა, რომელიც ვარდების რევოლუციის მე-18 წლისთავთნ დაკავშირებით გამართულ ცოცხალ ჯაჭვს, რუსთაველის გამზირზე შეუერთდა.

მისი თქმით, დასავლურ ცივილიზაციაში არის ჩვენი ადგილი და ჩვენ სწორედ დასავლეთისკენ მივდივართ.

ვფიქრობ, რომ ქართული საზოგადოება გაიგებს და ხედავს იმას, რომ ისტორიის გადაწერა უნდათ. ვარდების რევოლუცია ხალხმა მოახდინა მიხეილ სააკაშვილის თაოსნობით და დღეს რომ ის ციხეშია, არამარტო ქვეყნის სირცხვილია, ანომალიაა და ეს ანომალია დიდხანს არ გაგრძელდება, იმიტომ რომ უამრავმა ადამიანმა დაინახა მაშინ, რომ კმარა, მეტი ვეღარ გაგრძელდებოდა ეს უბედურება, რასაც დღეს ძალიან ბევრი ადამიანი გრძნობს და ყოველდღიურად ემატება.

ამ უკანასკნელმა დღეებმა და პერიპეტიებმა კიდევ ერთხელ დაგვანახა რა გამოწვევის წინაშე ვდგავართ. ვარდების რევოლუცია მარტივად შეგვიძლია დავახასიათოთ რა იყო. ჯარისკაცისთვის ეს იყო გაუწვრთნელი, ჩამორჩენილი ჯარიდან ნატოს სტანდარტების ჯარამდე, პოლიციელისთვის ეს იყო გაიშნიკიდან სვლა პატრულამდე, ჩვეულებრივი სტუდენტისთვის ეს იყო ფულის და ჩაწყობისთვის ნაცვლად ქრთამის გარეშე საკუთარი ცოდნით ჩაბარება..

გაყინული პენსიის ნაცვლად ეს იყო გაზრდილი პენსია, რუსეთის ნაცვლად იყო დასავლეთი… დასავლურ ცივილიზაციაში არის ჩვენი ადგილი და აქეთ მივდივართ… რაც უნდა ექაჩოს ბიძინა ივანიშვილი, ვერ მოატრიალა ეს ქვეყანა და ვერც მოატრიალებს, – ამბობს გიგი უგულავა.

გააზიარეთ და მოიწონეთ სტატია:

მსგავსი სტატიები:

“მონური ფსიქოლოგია”- არის ცივილიზაციისგან გარიყვის პირველი ნიშანი, განათლებული ერი კი ვერასოდეს გახდება მონა” “სუსმა პარტიის ოფისში შემოუშვა აგენტურა, მიიღეთ ზომები”- გვარამია “ენმ”-ს “ქვეყნისთვის დამღუპველი იყო, ქვეყანა დახია უკან”- მეზვრიშვილი მელიას დაკავებაზე კრისტიან დანიელსონი – ევროკავშირის დახმარება უპირობო არ არის და დაკავშირებულია ადგილზე რეფორმების განხორციელებაში მიღწეულ კონკრეტულ პროგრესზე “ჩემი განწყობაა, რომ ყველა მუნიცილიტეტში, სადაც არჩევნების მეორე ტურია, “ქართული ოცნების” კანდიდატი გაიმარჯვებს”-სარჯველაძე “გადაწყვიტა, ხმებისთვის გახარიას ევედროს”- ოპოზიციის შეფასებები კახა კალაძის განცხადებაზე ყურადღებით ვაკვირდებით მიხეილ სააკაშვილის ირგვლივ მიმდინარე პროცესებს – კელი დეგნანი “ბევრად უფრო ბრძოლისუნარიანი მომეჩვენა…გზავნილი არის – ბრძოლა”-კობა ნაყოფია