ლევან წულაძე მარჯანიშვილის თეატრის სამხატვრო ხელმძღვანელი აღარ არის. ოფიციალურ მიზეზად კონტრაქტის ამოწურვა სახელდება. თუმცა არსებული ინფორმაციით, მიზეზი მიხეილ სააკაშვილის გათავისუფლების მოთხოვნით შექმნილი პეტიცია გახდა. ხელისუფლებამ იმ ხელოვანების დევნა დაიწყო, ვინც პეტიციას ხელი მოაწერა.
კონტაქტები ამოეწურათ სხვა თეატრების სამხატვრო ხელმძღვანელებსაც, თუმცა კულტურის მინისტრმა დისკრეციული უფლება გამოიყენა და მათ ვადა გაუხანგრძლივა.
კულტურის მინისტრის, თეა წულუკიანის მტკიცებით, წულაძეს უბრალოდ კონტრაქტის ვადა გაუვიდა და მას შეუძლია კონკურსში მონაწილეობა ხელახლა მიიღოს.
”ბატონი წულაძე არ გათავისუფლებულა, მას ვადა გაუვიდა, ისევე როგორც რამდენიმე ათეულ სამხატვრო ხელმძღვანელს და მიმდინარეობს საკონკურსო პროცედურები, თუკი ის სამხატვრო ხელმძღვანელები, რომლებსაც ვადა გაუვიდათ და ზოგიერთი მათგანი ხელახლა აპირებს კანდიდატობას შემოიტანს განაცხადებას და მისი განაცხადიც როგორც ნებისმიერი სხვა იქნება განხილული”, – ამბობს თეა წულუკიანი.
მარჯანიშვილის თეატრის დირექტორის მოვალეობის შემსრულებელი ადასტურებს, რომ წულაძეს კონტრაქტის ვადა ამოეწურა.
”ბატონი ლევანი გათავისუფლებული არ არის, მისი კონტრაქტი იყო 4-წლიანი და 4 წლის შემდეგ უნდა გამოცხადდეს კონკურსი. დისკრეციის უფლება მინისტრმა პირველად გამოიყენა ზოგი დაინიშნა პირდაპირ, ეს იყო ჩრდილების თეატრის, გაბრიაძის თეატრის და გრიბოედოვის თეატრის შემთხვევაში”, – ამბობს ეკატერინე მაზმიშვილი.
tv pirveli
მსგავსი სტატიები:
ზურაბ ბატიაშვილი – ამერიკა ისევ ამერიკა იქნება
გავრცელებული ინფორმაციით, მელიას გირაოს გადახდას ევროკავშირი აპირებს… – „ფორმულა“
“თქვენი აზრით, რატომ არ რეაგირებს დასავლეთი უფრო მწვავედ საქართველოს საკითხზე ?”
“ისეთ ქვეყანაში მინდა ცხოვრება, სადაც არ ექნება მნიშვნელობა, მიხეილ სააკაშვილი ჩამოვა თუ არა “
თბილისში ნიკა მელიას ბანერის დაწვა სცადეს
აი, ამ დასავლეთს ყოველ დღე „ოცნება“ ეუბნება უარს – ხან მედიაციაზე ხელის აკვრით, ხან შეთანხმების ცალმხრივად ანულირებით, ხან ევროპარლამენტარებისთვის ხელის აქნევით თუ თითის დაქნევით
„თუ მთავრობაში გიმუშავიათ ბოლო 9 წლის მანძილზე, ჩემს თვალში ვერასდროს რეაბილიტირდებით” – ფადი ასლი
“ვიწყებთ მასობრივ საპროტესტო შიმშილობის აქციას, ვიდრე მიხეილ სააკაშვილი არ გათავისუფლდება” – ნიკა მელია