“ახალ საცხოვრებელ ფართებს 2022 წელს უპირობოდ მიიღებენ” – ჯანდაცვის სამინისტროს დაპირება ტრაგედიის შემდეგ

თემქაზე სანატორიუმ ქართლში მცხოვრები დევნილის გარდაცვალებას ჯანდაცვის სამინისტრო ეხმაურება. სამინისტრო განცხადებაში წერს, რომ მომხდარზე დაწყებულია გამოძიება და გარდაცვალების მიზეზს შესაბამისი სამსახური დაადგენს.

ამასთან, განცხადებაში აღნიშნულია, რომ სამინისტროს გადაწყვეტილებით, სანატორიუმ „ქართლში“ მცხოვრები დევნილები ახალ საცხოვრებელ ფართებს 2022 წელს “უპირობოდ” მიიღებენ.

“საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო მწუხარებას გამოთქვამს ნაძალადევის რაიონში, ყოფილ სანატორიუმ „ქართლში“ მომხდარ უბედურ შემთხვევასთან დაკავშირებით.

სამინისტრო თანაუგრძნობს აფხაზეთიდან იძულებით დევნილ ზურაბ ჭიჭოშვილის ოჯახის წევრებსა და ნათესავებს. აღნიშნულ ფაქტთან დაკავშირებით დაწყებულია გამოძიება და ზურაბ ჭიჭოშვილის გარდაცვალების მიზეზს შესაბამისი სამსახური დაადგენს.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ერთ-ერთი პრიორიტეტი იძულებით გადაადგილებულ პირებზე ზრუნვა და მათი სოციალური პირობების გაუმჯობესებაა.

საზოგადოებისთვის ცნობილია, რომ ეკომიგრანტთა და საარსებო წყაროებით უზრუნველყოფის სააგენტომ, შენობაში მცხოვრებ ოჯახებზე გასცა ადმინისტრაციული დაპირება და განსახლების ორი გზა შესთავაზა.

იძულებით გადაადგილებულ პირებს, თბილისში ბინის მოძიება თავად შეუძლიათ, რომლის შესყიდვასაც სააგენტო უზრუნველყოფს. დევნილ ოჯახებს ასევე აქვთ ალტერნატივა, რომ სააგენტოს მიერ შესყიდული ბინების მშენებლობის დასრულებას დაელოდონ. ამ შემთხვევაში სააგენტო, გამგეობასთან ერთად, მათ ქირის თანხით უზრუნველყოფას სთავაზობს.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს გადაწყვეტილებით, ყოფილ სანატორიუმ „ქართლში“ მცხოვრები დევნილები ახალ საცხოვრებელ ფართებს 2022 წელს უპირობოდ მიიღებენ”,-ნათქვამია განცხადებაში.

გააზიარეთ და მოიწონეთ სტატია:

მსგავსი სტატიები:

“მშობლებმა არ იციან, ინტერნეტი შეუძინონ შვილებს თუ საკვები”- ლადო აფხაზავა “საერთოდ, ამ ქვეყანაში დარჩენის აზრსაც ვეღარ ვხედავ”… “გაერთიანებული სამეფო მომავალშიც მტკიცედ დაუჭერს მხარს საქართველოს ტერიტორიულ მთლიანობას” რომელ ქალაქში ჩადიოდა ყველაზე ხშირად და რა თანხა დახარჯა სალომე ზურაბიშვილმა მივლინებებში „ოცნების“ ფარული შეკრებიდან: „დამარხეთ გახარია!“ – ირაკლი ღარიბაშვილის საიდუმლო ბრძანება გუბერნატორებს “ვახ, ეს რა სევდიანი ამბავია” “კრამერს უყვარს საქართველო და სძულს ის, რაც ახლა ხდება… მე მას სრულებით ვეთანხმები” – ბენ ჰოჯესი “ოცნება” ევროპის წინააღმდეგ – ხელისუფლების სწრაფვა რუსეთისკენ