ჯანდაცვის მსოფლიო ორგანიზაციის განცხადებით, ომიკრონთან დაკავშირებული რისკი კვლავ ძალიან მაღალია, რადგან ვარიანტის გავრცელების უნარები ჰოსპიტალიზაციის მნიშვნელოვან ზრდას იწვევს.
Pfizer-ის ხელმძღვანელი კი აცხადებს, რომ მოვლენების არასასურველი სცენარით განვითარების შემთხვევაში, აცრა ყოველ 4-5 თვეში საჭირო იქნება, ამიტომ იმედოვნებს, რომ საუკეთესო შემთხვევაში წელიწადში ერთჯერადი ვაქცინაცია მოგვიწევს.
იაპონიაში ინფიცირების დღიურმა მაჩვენებელმა 50 ათასს გადააჭარბა, რაც ზედიზედ მეხუთე დღეა რეკორდული რიცხვია ქვეყნისათვის. წყნარი ოკეანის პატარა ქვეყანა სამოაში 48 საათიანი ლოქდაუნი გამოცხადდა მას შემდეგ, რაც ავსტრალიიდან ჩაფრენილ 15 მგზავრს კორონავირუსი აღმოაჩნდა.
ახალი ზელანდია კი ომიკრონის გავრცელების შესაჩერებლად წითელ ზონაში გადადის. საზოგადოებრივ ტრანსპორტსა და სავაჭრო ობიექტებში პირბადეების ტარება სავალდებულო ხდება. სპორტულ დარბაზებში, გასართობ დაწესებულებებსა და თავშეყრის ადგილებში კი პირებს კოვიდპასპორტების წარდგენა მოუწევთ.
“ომიკრონი ახლა ოკლენდში ცირკულირებს. ამ ფონზე ახალი ზელანდია 23 იანვრიდან წითელ ზონაში გადავა. ჩვენი სტრატეგია ომიკრონის გავრცელების შენელებაა. ომიკრონის მართვას ისევე ვაპირებთ როგორც დელტას შემთხვევაში იყო: გავტესტავთ სწრაფად და გამოვიძიებთ კონტაქტებს,” – აცხადებს ახალი ზელანდიის პრემიერ-მინისტრი ჯასინდა არდერნი.
მსგავსი სტატიები:
“ხელისუფლებასაც შევცვლით და…მოკლედ, ვისაც გვჯერა, გაგვატარეთ”!
ოზურგეთში 55 წლის მამაკაცი ცივი იარაღით მოკლეს (ექსკლუზივი)
„ხელისუფლება ხალხის შემგუებლობით სარგებლობს“
“ბილიკი იშლება და უკან დასაბრუნებელი გზა ქრება,გაჩერებულ სიცოცხლით გაქვავებულ ცხედარს ვაბრუნებთ სამშობლოში…”-საბერძნეთში ემიგრანტი გარდაიცვალა
განათლების სამინისტრომ სკოლებში მატრიცების მზა ნიმუშები გადაგზავნა
“არ გვეშინია დედამიწის ზურგზე არავის” – ალუდა ღუდუშაური
,,მიუ“ შტამმა შესაძლოა უკვე რუსეთშიც შეაღწია
ხანჯლის „საკრალური“ დანიშნულება გურიაში