უკრაინამ გერმანიას თავდაცვითი იარაღის მიწოდების თხოვნით მიმართა

უკრაინამ გერმანიის მთავრობას თავდაცვითი ხასიათის იარაღით დახმარებასთან დაკავშირებით ოფიციალური თხოვნა გაუგზავნა, – ინფორმაციას გერმანული გამოცემა Süddeutsche Zeitung-ი ავრცელებს.

გამოცემის ცნობით, წერილში უკრაინის საელჩო ბერლინს სწრაფი რეაგირების თხოვნით მიმართავს „უსაფრთხოების უკიდურესად დაძაბული სიტუაციისა და რუსული აგრესიის საფრთხის გათვალისწინებით“.

წერილში უკრაინა გერმანიას სხვადასხვა „თავდაცვითი“ საბრძოლო მასალის მიწოდებას სთხოვს, მათ შორის საშუალო რადიუსის საზენიტო-სარაკეტო სისტემებს, პორტატულ ხმელეთი-ჰაერის ტიპის რაკეტებს, ელექტრონულ სათვალთვალო სისტემებს, ღამის ხედვის აღჭურვილობას და სხვას.

გამოცემის ცნობით, წერილში კიევი ითხოვს „დაუყოვნებელ დახმარებას თავდაცვითი ხასიათის იარაღის სისტემების სასწრაფოდ შეძენაში“.

შეგახსენებთ, ნატო-ს მოკავშირეებმა: აშშ-მა, გაერთიანებულმა სამეფომ და ბალტიისპირეთის ქვეყნებმა უკრაინას იარაღი გაუგზავნეს, მაგრამ გერმანიამ მკაფიოდ განაცხადა, რომ იმავეს გაკეთებას არ აპირებს. ბერლინმა კიევს 5000 დამცავი ჩაფხუტი შესთავაზა და განაცხადა, რომ მხარს უჭერს კონფლიქტის დიპლომატიურ გადაწყვეტას.

გააზიარეთ და მოიწონეთ სტატია:

მსგავსი სტატიები:

ილია მეორე თემურ წიკლაურზე: იშვიათია ადამიანი, რომ ასე უყვარდეს საზოგადოებას მსოფლიო ბანკი პოსტპანდემიურ ეტაპზე შესაძლოა საქართველოს დაეხმაროს “ნიკა მელია ციხიდან უნდა გამოვიდეს და გამოვიდეს მორალურად გამარჯვებული” გურიის გუბერნატორმა ოჯახის ექიმებს მადლობის სიგელები გადასცა შსს-მ ლექსო ლაშქარავაზე თავდასხმის ბრალდებით დავით კუტალაძე დააკავა ოზურგეთის ცენტრი 1 სა და ცენტრი 2 ში მაჟორიტარულში ბადრი კილაძე ლიდერობს “მოვა დრო და გისოსები არ ეყოფა…იმდენი ჩაჯდება ციხეში ლექსოს და 5 ივლისის გამო!”-ინგა გრიგოლია გამზარდია: “რაც ამ გაფლანგვაზე ვნახე, არც ერთი არაა არგუმენტი”