“ეს მთელი მსოფლიოსთვის ომის გამოცხადებას გავს“–რუსეთის სახალხო არტისტი, ლია ახეჯაკოვა პუტინის მიმართვაზე

რუსეთის სახალხო არტისტი, ლია ახეჯაკოვა პუტინის სატელევიზიო მიმართვაში, რომელიც მან დონეცკის და ლუგანსკის სეპარატისტული რეგიონების დამოუკიდებლობის აღიარებასთან ერთად ვრცელ ისტორიულ მიმოხილვას დაუთმო, მთელი მსოფლიოსთვის ომის გამოცხადებას ხედავს:

“ ეს “ახალი ისტორიის სახელმძღვანელო“, რომელიც მოვისმინეთ, არის იმ “პუშილინების“, მოტოროლების და მთელი ამ საშინელების დამატება. ჩემი აზრით რაღაც გამოუსწორებელი მოხდა, ეს მართლაც მთელი მსოფლიოსთვის ომის გამოცხადებას გავს. ეს რაღაც წარმოუდგენელია, წარმოუდგენელი მისი შეუმდგარობისა და სისასტიკის გამო. მეჩვენება, რომ შედეგები ძალიან მძიმე იქნება. როცა ქვეყნის კეთილდღეობის სათავეში არა ეკონომიკა, არამედ სხვადასხვა ძალოვანები დგანან, ძალიან საშიშია.“– ამბობს მსახიობი.

გააზიარეთ და მოიწონეთ სტატია:
Pin Share