უეფას ეგიდით თამაშის უფლება შეიძლება ყველა რუსულმა კლუბმა დაკარგოს. ორშაბათს უეფას აღმასრულებელი კომიტეტი გაიმართება, რომელიც განიხილავს რუსეთის მონაწილეობას უეფას ეგიდით ჩატარებულ შეჯიბრებებში. ამის შესახებ ინფორმაციას UNIAN ავრცელებს.
აღნიშნული სანქცია რუსეთს უკრაინაში შეჭრის და ფართომასშტაბიანი იერიშის მიტანის გამო დაეკისრება. დასავლური მედიის ინფორმაციით, სანქციებს ყველაზე აქტიურად უეფას ვიცე-პრეზიდენტი ზბიგნევ ბონიეკი უჭერს მხარს.
ასევე, ვრცელდება ინფორმაცია, რომ უეფას სანქციები ფიფას მოქმედებას აიძულებს. ეს ნიშნავს, რომ რუსეთის საფეხბურთო ნაკრებს შესაძლოა 2022 წლის მსოფლიო ჩემპიონატის პლეი-ოფში მონაწილეობა აეკრძალება.
შეგახსენებთ, 25 თებერვალს, საერთაშორისო ოლიმპიურმა კომიტეტმა (IOC) მოუწოდა ყველა სპორტულ ფედერაციას გადადოს ან გააუქმოს ყველა შეჯიბრი რუსეთსა და ბელარუსში.
იმავე დღეს ინგლისურმა საფეხბურთო კლუბმა მანჩესტერ იუნაიტედმა გამოაცხადა, რომ წყვეტს სპონსორობის ხელშეკრულებას რუსულ ავიაკომპანია აეროფლოტთან. გარდა ამისა, უეფამ გადაწყვიტა რუსეთს ჩამოერთვას ჩემპიონთა ლიგის ფინალის მასპინძლობის უფლება და ამასთან, ფორმულა 1-ის ხელმძღვანელობამ გააუქმა სოჭის გრანპრი.
მსგავსი სტატიები:
ბინა გუდაურში, მიწის ნაკვეთები, კომერციული ფართები-ვასილ მაღლაფერიძის ქონება
ცხრა აპრილის ქვეყანა
“კი მაგრამ ცხვარმა რა დაგიშავათ?” – გოცირიძე ხელისუფლებას
“ქვეყანაში რაც ხდება, იმაზე პასუხისმგებლობა ყოველთვის ხელისუფლებას ეკისრება?”
გურულ ბაზრობებზე გაგონილი ტკვარცალა ფრაზები
თავისუფლება მიშას! – მესამე პრეზიდენტის მხარდამჭერი აქცია მილანსა და ვენაშიც გაიმართა
როგორ უნდა მოეხერხებინა საქართველოს რეჟიმს, რომ აქ ჩვენი ხუთჯვრიანი დროშა არაა – ნიკა მელია
“ყოველთვის იქნება პასუხი თქვენს სიცრუეზე”- კალაძის “დაპირება” ოპოზიციას