ლანჩხუთელი მწერლის, ეგნატე ნინოშვილის სახლ-მუზეუმის მეცნიერ-თანამშრომელმა, ზოია ტუღუშმა წიგნის გამოსაცემად შეგროვებული თანხა _ 1000 ლარი უკრაინის დახმარების ფონდში გადარიცხა. “დღეს ჩვენი ბედი უკრაინის ბედს გადაჯაჭვია. მისი გამარჯვება ჩვენი გამარჯვება იქნება. ღმერთმა ნუ ქნას და მისი დამარცხება _ ჩვენი წელში გატეხა. მოგმართავთ, ვისაც რისი შეძლება გაქვთ, დავეხმაროთ გმირ უკრაინას. ზოგი შეძლებს სისხლის ჩაბარებას მამაცი უკრაინელი მეომრებისთვის, ზოგი – ფულად დახმარებას, ზოგიც მოხალისეების სახით უკრაინის ომში ჩაებმება“ _ ამბობს ქალბატონი ზოია.
მისივე თქმით, “ძალა ერთობაშია” და იგი დაამარცხებს რუსულ ფაშიზმს და მოიტანს აზროვნების თავისუფლებას, რომელზედაც აიგება ნამდვილი დემოკრატია თითოეულ თავისუფლებისმოყვარე ქვეყანაში: “ღმერთმა დალოცოს თავისუფლებისთვის თავგანწირული გმირი უკრაინელი ხალხი, რომლის მისია დღეს არა მარტო თავისი ქვეყნის, არამედ ევროპისა და პოსტსაბჭოთა ქვეყნების გადარჩენაა “წითელი საბჭოთა” პუტინიზმისგან. დიდება უკრაინას! არა _ რუსულ აგრესიას!“
შეგახსენებთ, რომ ზოია ტუღუშს გამოცემული აქვს 30 სამეცნიერო ნაშრომი, არის ავტორი შემდეგი წიგნებისა: ქარში გაფრენილი ნუგეში (ლექსები), 2004; კრე ბული – მოგონებები ნინოშვილზე, გურული ლექსიკა, 2008; გურული მელექსენი, 2013; უსასრულო მოლოდინის სიმფონია (ლექსები), 2013; ლიტერატურული წერილები,2014; ხელნაწერთა ენობრივი კვლევის სპეციფიკა მუზეუმებში (ეგნატე ნინოშვილის მუზეუმის გამოცდილებიდან), 2015; გურული ლექსიკის ხიბლი, 2016; ეთნოგრაფიული მასალები ნინოშვილის მუზეუმის ფონდიდან, 2017 და სხვ.გამოსაცემად მზად აქვს გურული დიალექტის ლექსიკონი.
წყარო: გურია თუდეი
მსგავსი სტატიები:
“ბუკნარის სკოლის დირექტორის გადაყენება არც განიხილება”
გართულებული კოვიდსიტუაციის პირობებში, ოზურგეთში 100 კაციანი სუფრა გაშალეს
“თუ როგორ გარდაიქმნებოდა, ეს ღრმად მოხუცი და ათას დაავადებასთან მებრძოლი კაცი კამერის ჩართვისთანავე ახალგაზრდული შემართების მსახიობად”
Pfizer-ით აცრა საქართველოში 16 ივლისიდან დაიწყება
ჯონსონ & ჯონსონის ვაქცინის მოწოდება შეჩერდა, ვერ შევთანხმდით – გამყრელიძე
როგორი ამინდია მოსალოდნელი საქართველოში?
ბოლო 24 საათში კორონავირუსის 3410 ახალი შემთხვევა გამოვლინდა, გარდაიცვალა 46 ადამიანი
ფოთში დააკავეს დედა, რომელმაც ახალშობილი საკანალიზაციო მილში დატოვა