„რაც შეეხება რუსეთის მოქალაქეების ვიზიტებს საქართველოში, სტატისტიკა არის შემდეგი-დეტალური ინფორმაცია, რიცხვები არ მახსოვს ზუსტად და შს მინისტრს ექნება უფრო დეტალური ინფორმაცია, რომელსაც საზოგადოებას გააცნობს. ამაზე ჩვენ ვისაუბრეთ მათ შორის კოლეგებთან მთავრობის სხდომაზეც. ეს სტატისტიკა საინტერესო იყო ყველა ჩვენგანისთვის. შს მინისტრმა ამის თაობაზე ინფორმაცია მოგვაწოდა, მას უახლოეს ხანებში ექნება საჯარო გამოსვლა პარლამენტის ფორმატში და აქაც გააკეთებს უფრო დეტალურ ანგარიშს ამ საკითხებზე, რაც საზოგადოებას ან პოლიტიკურ ძალებს შეიძლება აინტერესებდეთ, თვითონ სამინისტროც გააკეთებს განცხადებას. ინფორმაცია დასამალი არ არის, პირიქით, საინტერესოა. დავინახეთ, რომ საზოგადოებაში ძალიან ემოციურად არის ბევრი საკითხი აღქმული და აბსოლუტურად გვესმის, ამიტომ, მეტი ზუსტი ინფორმაციაა მისაწოდებელი. რიცხვები თუ არ ვცდები, არის დაახლოებით 20-25 ათასი ადამიანი. ეს არის დაახლოებით ის რანგი, რაც 2020 წელს იყო, ვიდრე პანდემიამდე შეზღუდვა იქნებოდა. 2021 წელს საერთოდ დაკეტილი იყო ყველანაირი მიმოსვლა, მკაცრი იზოლაციის რეჟიმი იყო პანდემიიდან გამომდინარე. ამიტომ, 2020 წელს დაახლოებით იგივე რანგია. ასე რომ, საუბარი იმაზე, რომ დიდი რაოდენობით ადამიანი საქართველოში ჩამოდის და ეს რისკების შემცველია, ეს ასე არ არის“, – განაცხადა ეკონომიკის მინისტრმა, ლევან დავითაშვილმა “ინტერპრესნიუსთან” საუბრისას.
მსგავსი სტატიები:
სიგარეტის 6 000 წლიანი ისტორია
“როცა ადამიანი საკუთარ ბიოგრაფიას ვერ დაწერს და კიდევ დიდ გულზეა, გაუღიმე და ,,იმის იქით” გაუშვი, მარტივია!..”
ზემო ნატანების საჯარო სკოლაში ქართულ ენასა და ლიტერატურაში საინტერესო აქტივობებით გაჯერებული გაკვეთილი ჩატარდა
მოჭიდავე იაკობ ქაჯაია ტოკიოს ოლიმპიური თამაშების ფინალში გავიდა
“თუ გადავწყვიტე ხუთიანის შემოხაზვა, ღარიბაშვილის დამსახურება იქნება” – დავით ზურაბიშვილი
„საქონელო“, „ქუჩიდან მოთრეულო“, „დედისგან მიტოვებულო“ – ბავშვების დასჯის მეთოდები ნინოწმინდის პანსიონში
მიხეილ სააკაშვილის დასავლური მანიფესტი
NATO უკრაინაში სამხედრო დახმარებას აგზავნის | ალიანსის განცხადება