პუტინი და ლუკაშენკო თანამშრომლობის კიდევ უფრო გაღრმავებაზე შეთანხმდნენ

რუსეთისა და ბელარუსის ლიდერებმა, ვლადიმერ პუტინმა და ალექსანდრე ლუკაშენკომ მოსკოვში გამართულ შეხვედრაზე მსოფლიოსა და რეგიონში არსებულ მდგომარეობაზე იმსჯელეს და თანამშრომლობის კიდევ უფრო გაღრმავებაზე შეთანხმდნენ, – ინფორმაციას ბელარუსის სახელმწიფო საინფორმაციო სააგენტო BelTA ბელარუსის პრეზიდენტის პრესსპიკერზე, ნატალია ეისმონტზე დაყრდნობით ავრცელებს.

სააგენტოს ცნობით, ვლადიმერ პუტინი და ალექსანდრე ლუკაშენკო შეთანხმდნენ, რომ რუსეთი ბელარუსს უახლოეს მომავალში სამხედრო ტექნიკის ყველაზე თანამედროვე მოდელებს მიაწვდის.

თავის მხრივ, ბელარუსი გაზრდის რუსეთისთვის თანამედროვე სასოფლო-სამეურნეო, სამგზავრო აღჭურვილობისა და სხვა საინჟინრო პროდუქტების მიწოდებას.

ნატალია ეისმონტის განცხადებით, შეხვედრის დროს რუსეთისა და ბელარუსის ლიდერები სანქციებისგან გამოწვეული ზეწოლის ფონზე ურთიერთდახმარების მიზნით ერთობლივი ნაბიჯების გადადგმაზე შეთანხმდნენ.

აღსანიშნავია, რომ ბელარუსისა და რუსეთის დელეგაციები ორშაბათს მოსკოვში მოლაპარაკებებს გამართავენ და ყველა განხილულ საკითხთან დაკავშირებით კონკრეტულ გადაწყვეტილებებს შეიმუშავებენ

გააზიარეთ და მოიწონეთ სტატია:

მსგავსი სტატიები:

მომღერალი თემურ წიკლაური მართვით სუნთქვაზე იმყოფება ვინ მიაწვდის ელექტროენერგიას ზაფხულიდან მოსახლეობას – „მთავრობა უნივერსალურ კომპანიას დაასახელებს“ ვინც არჩილ ტატუნაშვილის სიკვდილში არის დამნაშავე, დაისჯება – პრემიერი საოკუპაციო ხაზთან ოკუპანტები სავარაუდოდ თანამგზავრულ რადიოსადგურს დგამენ ქაბულის საერთაშორისო აეროპორტიდან დღეს დილიდან ფრენები განახლდა პროტესტის ფორმით დაწერეთ, დახატეთ, მერე ჩვენ ბიძინას წავუღებთ და სახლთან გავუკრავთ – ახალი ინიციატივა დამალული დასკვნა – გეჯაძემ დოკუმენტს ხელი 30 დეკემბერს მოაწერა, მაგრამ დამქირავებელს არ შეატყობინა ”არახამიას სამშობლო არ აქვს, არც ქართული იცის და არც უკრაინული. გველაპარაკება რუსულად”