სრულიად საქართველოს კათოლიკოს-პატრიარქი მრევლს მიმართავს და მშვიდობისთვის ერთობლივი ლოცვისკენ მოუწოდებს.
ილია მეორე მრევლს მიმართავს, რომ ყველამ ერთად შევავედროთ უფალს უკრაინა და მთელი მსოფლიო.
„სამწუხაროდ, უკრაინაში რუსეთის მიერ წარმოებული საომარი მოქმედებები გრძელდება, რასაც ათასობით ადამიანის სიცოცხლე ეწირება.
მინდა მოვუწოდო ჩვენს მრევლს (როგორც საქართველოში, ისე უცხოეთში მყოფთ) მშვიდობისათვის ერთობლივი ლოცვისთვის.
17 მარტს, თბილისის დროით 12:00-ზე, სადაც არ უნდა იმყოფებოდეთ (ტაძარში, სამსახურში, სახლში თუ ქუჩაში) შევეცადოთ, ყველამ ერთად შევავედროთ უფალს უკრაინა და მთელი მსოფლიო და ყოვლადწმინდა ღვთისმშობელს შევთხოვოთ დახმარება დიდი ძალის მქონე ამ ლოცვით:
„მოწყალებისა კარი განგვიღე, კურთხეულო ღვთისმშობელო, რათა რომელნი ესე შენ გესავთ, არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნათესავისა ქრისტიანეთასა, ამინ“ (ვთქვათ სამჯერ).
ღმერთო, გადაარჩინე უკრაინა, გადაარჩინე საქართველო და მსოფლიო!
კვირას, 20 მარტს კი სასულიერო პირებს ეძლევათ კურთხევა, წირვის შემდეგ გადაიხადონ სავედრებელი პარაკლისი უკრაინაში მშვიდობისათვის და პანაშვიდი ამ ომში გარდაცვლილთათვის.
ღმერთმა შეისმინოს ჩვენი ლოცვა და შეგვიწყალოს, ამინ!“, – აღნიშნულია საქართველოს პატრიარქის განცხადებაში, რომელსაც საქართველოს საპატრიარქოს საზოგადოებასთან ურთიერთობის სამსხური ავრცელებს.
მსგავსი სტატიები:
“ახლა ამბობენ, ბახმაროსაც იგივე ბედი ელისო…შენი მიწა-წყალი როგორ უნდა გაყიდო?”
ძიმითი, ბუნებრივი სამკურნალო წყლებით მდიდარი სოფელი გურიაში
საჯარო სკოლებში საყოველთაო რეგისტრაცია 15 ათასამდე პირველკლასელმა გაიარა
“უზრდელს შეუძლია გააუბრალოვოს ყველა და ყველაფერი”
,,სეზონის დასაწყისისთვის ასეთი მაღალი ფასი აქამდე არასოდეს ყოფილა“ – რა ღირს თხილი ქართულ ბაზარზე
“მაგთის” თანამშრომლები გაიფიცნენ
ფოტოამბავი-როგორ აღნიშნეს კალანდა ოზურგეთში
ACT: საქართველოს მოსახლეობის 87% თვლის, რომ “უკრაინის ომი ჩვენი ომიც არის”