თბილისის საქალაქო სასამართლომ ფორმულას დამფუძნებელს, დავით კეზერაშვილსა და ალექსანდრე ნინუას თავდაცვის სამინისტროს სასარგებლოდ 5 060 000 ევროს ანაზღაურება დააკისრა.
ამ გადაწყვეტილებით სასამართლომ სრულად დააკმაყოფილა საქართველოს თავდაცვის სამინისტროს სარჩელი.
დავით კეზერაშვილსა და ალექსანდრე ნინუას გენერალური პროკურატურა სამსახურებრივი უფლებამოსილების ბოროტად გამოყენებისა და სახელმწიფოს დიდი ოდენობით ფულადი თანხების მითვისება/გაფლანგვას ედავებოდა.
პროკურატურის მტკიცებით, საქმე ეხებოდა ოფშორულ ზონაში რეგისტრირებული კომპანია GIRWOOD BUSINESS CORP- ის სასარგებლოდ გარკვეული მომსახურების გაწევის მიზნით დიდი ოდენობით თანხის გადარიცხვას, თუმცა სამინისტროს ეს მომსახურება (წვრთნები) არ მიუღია.
თუმცა, კეზერაშვილის ადვოკატებს აქვთ მტკიცებულებები, რომლებიც წვრთნების ჩატარებას ადასტურებს – ვიდეო მასალები და მოწმეთა ჩვენებები.
თავდაცვის სამინისტრომ დავით კეზერაშვილის წინააღმდეგ სარჩელი 2021 წლის საპარლამენტო არჩევნებამდე 2 დღით ადრე შეიტანა. სარჩელს წინ უძღოდა ირაკლი ღარიბაშვილის მუქარა – “მე რაც წავედი, მერე გაამართლეთ თქვენ ის. ახლა მიხედავენ, როგორც ჩანს”. – თქვა ირაკლი ღარიბაშვილმა 25 ივნისს პარლამენტში დავით კეზერაშვილის შესახებ.
საქართველოს თავდაცვის სამინისტრომ მიყენებული ზიანის ანაზღაურებას მოითხოვა იმ საქმეზე, რომელზეც უზენაესმა სასამართლომ რამდენიმე კვირით ადრე გამამტყუნებელი განაჩენი გამოიტანა და ამით შეცვალა წინა ორი ინსტანციის სასამართლოს გამამართლებელი განაჩენი.
მანამდე, ჯერ საქალაქო სასამართლომ, 2017 წელს კი სააპელაციო სასამართლომ დავით კეზერაშვილი აღნიშნულ საქმეზე გაამართლა. მაშინ შალვა თადუმაძე პროკურორი იყო. შემდეგ თადუმაძე უზენაესი სასამართლოს მოსამართლე გახდა და კეზერაშვილის მიმართ გამამართლებელი განაჩენი შეცვალა.
საქმე შალვა თადუმაძემ ზეპირი მოსმენის გარეშე, არასამთავრობო სექტორის მიერ “კლანის წევრებად” დასახელებულ ორ მოსამართლესთან – ლევან თევზაძესთან და მერაბ გაბინაშვილთან ერთად განიხილა.
არასამთავრობო ორგანიზაციების შეფასებით, ფორმულას დამფუძნებლის, დავით კეზერაშვილის წინააღმდეგ წარმოებული დავა ფორმულაზე ზეგავლენის მოხდენას ისახავს მიზნად.
მსგავსი სტატიები:
არ მინდა, რომ საქართველო შეუერთდეს იმ ქვეყნების სიას, სადაც პარლამენტი ერთპარტიულია – დევიდ კრამერი
“რა მოხდება ეს აქტი საერთოდ რომ არ მივიღოთ?” – კახაძე ამნისტიის კანონპროექტის განხილვაზე
“სად არიან ემიგრანტები?”-სულაშვილი
“ჩვენი ოჯახის საამაყო მეგობარი, სამაგალითო ადამიანი, უნიჭიერესი დიპლომატი” – რას წერს სანდრა რულოვსი გელა ჩარკვიანზე?
“29 ნოემბერს პროცესის ჩანიშვნა არის ცინიზმის მწვერვალი…მიხეილ სააკაშვილზე თქვეს მათ, რომ ამ დროისთვის ის მაინც არ იქნება ცოცხალი”-ნიკა გვარამია
ბაქრაძე კულტურის სამინისტროს განცხადებაზე: ბევრს საბჭოთა ტოტალიტარიზმის დრო გაახსენა
”გაზულუქებული,მილიონერებად ქცეული მინისტრები, თანამდებობის პირები და გასაცოდავებული ხალხი – ნუთუ, ეს ნორმალური სიტუაციაა?!”
პეტრო პოროშენკო ხელწერილის საფუძველზე პატიმრობიდან გაათავისუფლეს