WSJ-ს ინფრომაციით, ევროკავშირმა სანქციების მორიგი პაკეტი შეიმუშავა, რომელიც შესაძლოა რუსეთის პრეზიდენტის, ვლადიმირ პუტინის ორ ქალიშვილს ეხებოდეს.
ევროკავშირის წევრ ქვეყნებს ახალი სანქციები ჯერ არ დაუმტკიცებიათ, რომელიც რუსი ბიზნესმენების, პოლიტიკოსების, ოფიციალური პირებისა და მათი ოჯახების მოგზაურობის აკრძალვასა და აქტივების გაყინვას გულისხმობს.
5 აპრილს ევროკავშირმა რუსეთის წინააღმდეგ სანქციების მეხუთე პაკეტი შეიმუშავა. მათ შორისაა რუსული ნახშირის იმპორტის აკრძალვა, ევროკავშირის პორტებში რუსეთისა და მის მიერ კონტროლირებადი გემების შესვლის აკრძალვა, ოლიგარქებისა და მათი ოჯახების წინააღმდეგ მიმართული შეზღუდვები და მაღალტექნოლოგიური ტექნიკის ექსპორტის აკრძალვა.
ვლადიმირ პუტინი ოჯახზე საჯაროდ არ საუბრობს. კრემლის ინფორმაციით, მას ყოფილ მეუღლესთან ორი ქალიშვილი ჰყავს. თუმცა უცნობია, ჰყავს თუ არა რუსეთის პრეზიდენტს სხვა შვილები.
რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო. პუტინის მიერ უკრაინისთვის ომის გამოცხადებას წინ უძღოდა დონეცკისა და ლუგანსკის თვითგამოცხადებული რესპუბლიკების მარიონეტული რეჟიმების ფორმალური თხოვნა კრემლისადმი, დახმარებოდნენ “უკრაინული აგრესიის” მოგერიებაში.
რუსეთის სამხედრო ძალები უკრაინას სხვადასხვა მიმართულებით უტევენ. პარალელურად, მსოფლიოს ქვეყნები რუსეთს სხვადასხვა სახის სანქციას კვლავ უწესებენ.
მსგავსი სტატიები:
სააკაშვილი ქართულ ოცნებაზე: არ მოელოდნენ, რომ ასე “წაასხამდნენ”
შარლ მიშელმა ხურვალეთში გადაღებული ფოტო Facebook-ის გარეკანზე დააყენა
გერმანია ჩვენი ძალიან მყარი და საიმედო მხარდამჭერია – ირაკლი კობახიძე
“უხერხემლო და უნებისყოფო პრეზიდენტია”-იმედგაცრუებული ოპოზიცია
გთავაზობთ მოდელს, სადაც იქნება იდეების და არა კუნთების ჭიდილი – ელენე ხოშტარია
კოვიდპანდემიის დაწყების შემდეგ საქართველოში საარსებო შემწეობის მიმღებ პირთა რაოდენობა 44.12%-ით გაიზარდა
სააკაშვილი ნამდვილად იღებდა ისეთ მედიკამენტს, რომელიც არ უნდა მიეღო-ნევროლოგი
“ჩვენ დავიწყეთ არა ომი 2008 წელს? თქვე ახვრებო! გასარეკი ხართ ამ ქვეყნიდან ვინც ასე ფიქრობთ!”-ირაკლი მახარაძე