ძალიან ბევრ ჩვენგანს სჩვევია წუწუნი იმაზე, რომ მცირე ფართში ცხოვრობს, ან პირიქით – დიდი ფართის მფლობელი იმას გაიძახის, რომ “ამხელა საცხოვრებელი ფართი უაზრობაა”. თუმცა, მათ ალბათ არ აქვთ ნანახი ის, თუ რა პირობებში უწევთ ცხოვრება ჰონგ-კონგის მაცხოვრებლებს თავინთ “გალია-კუბოებში”!
ჰონგ-კონგი მსოფლიოს წამყვანი ფინანსური ცენტრია და იმის ხილვა, თუ სად ცხოვრობენ მსგავსი სტატუსის მქონე ქალაქ-სახელმწიფოს მაცხოვრებლები, უბრალოდ კონფუზს იწვევს.
როგორც ასეთი, ჰონგ-კონგი ყველაზე მჭიდროდ დასახლებული მეგაპოლისია მსოფლიოში, მისი ფინანსური სტატუსი უკეთესი ცხოვრების მაძიებლებს მაგნიტივით იზიდავს, ხოლო ნაკადს ის უბრალოდ ვეღარ უმკლავდება – ახალი შენობების ასაშენებელი ფართიც კი ამოწურულია.
ამ მომენტისთვის ჰონგ-კონგში 8 მილიონამდე მოსახლე ცხოვრობს, აქედან სულ მცირე 200.000 ადამიანი ჯოჯოხეთური ყოფით “კმაყოფილდება” – მათთვის გამოყოფილი სტანდარტული ფართი სულ რაღაც 1.5 – 9 კვადრატული მეტრია!
მეგაპოლისში ბინების გაქირავება ყველაზე წარმატებულ ბინზესში გადის და გამქირავებლები, რომლებსაც საკუთარი ფართი აქვთ, ყოფენ მათ მაგ. 0.9-1.5 კვადრატულ მეტრ ფართზე და ასე აქირავებენ მინიმუმ 250$-ად თვეში. უფრო მეტიც, ხშირად ფართს ორ იარუსიანადაც კი აკეთებენ. არის შემთხვევები, როდესაც 40 კვადრატული მეტრის ფართზე 20 (!) ადამიანი ცხოვრობს!
რომ წარმოიდგინოთ, ასეთ ფართზე ჩვეული აღნაგობისა და სიმაღლის ადამიანი ვერც წამოდგება სრულად და ვერც დაწოლილი ვერ გაიმართება!
კიდევ უფრო სიგიჟეა “აპარტამენტი-გალია”, რომლებსაც “გალია-კუბოებს” ეძახიან – ასეთი “ბინა” ყველა მხრიდან გამჭვირვალეა და ადამიანი მასში ზოოპარკის ბინადარს უფრო ჰგავს, და ზუსტად ასეთი “გალია-კუბო”, თვეში 250$-ს ფასობს.
ვისაც ბევრად მეტის გადახდის საშუალება აქვს, უკეთესი პირობების მიღება შეუძლია “ბინა-კუბოს” სტატუსით – 3-4 კვადრატული მეტრის ფართზე არის როგორც საძინებელი, ასევე სამზარეულოც და საპირფარეშოც კი! თუმცა, მსგავს “ფეშენებელურ ბინებს” დიდი ნაკლიც აქვთ (თითქოსდა სხვა არაფერი) – ანტისანიტარია.
საგულისხმოა, რომ მსგავს პირობებში ადამიანები სიკვდილამდე ცხოვრობენ და ალბათ გაგიჩნდებათ ლოგიკური კითხვა – სად კრძალავენ მიცვალებულებს, თუ ფართზე მსგავსი პრობლემაა? -დაკრძალვით, “უბრალო მოკვდავებს” მთის ფერდობებზე კრძალავენ და ისიც ვერტიკალურ მდგომარეობაში, ხოლო მათ, ვინებსაც განსვენება ნეკროპოლებში სურთ, “ელიტარულ წრეში” უნდა მოხვდნენ და გადაიხადონ უზარმაზარი თანხა, რომლის შეგროვებასაც სიცოცხლეშივე იწყებენ და ადგილებს წინასწარ ჯავშნიან.
P.S. ჰონგ-კონგი ლიდერია საცხოვრებელი ფართის სიძვირითაც – 1 კვ/მ-ის ფასი მერყეობს 24.8-27.5 ათას დოლარში, ისიც ძველი მოწყობის საცხოვრებლებში, ხოლო ახლებში, ფასები 1.5 ჯერ მეტია და ეს ყველაფერი ყველაზე ბიუჯეტურ საცხოვრებლებს ეხებათ. ფეშენებელურ საცხოვრებლებში, ყველა კომფორტით, 1 კვ/მ-ის ფასი კოსმიურ 178.7 ათას დოლარს აღწევს, თანაც თავისუფლად.
ავტორი: ირაკლი სალუქვაძე
მსგავსი სტატიები:
“აგრესიული კომფორმისტები” მზად არიან ნახევარი საქართველო ციხეში ამოალპონ”
საქართველო ბუნებრივი აირის სიძვირით მეოთხე ადგილზეა
“ზურგსუკან ჭორაობა, განკითხვა პატარა, შეუმდგარი ადამიანების ხვედრია”
საზღვრიდან თურქეთს კარტოფილი უკან დაუბრუნდა
“ვერ დაიჭერთ”- ზურა დათუნაშვილმა მელიას მხარდაჭერა გამოუცხადა
იგეგმება გურიის ეროვნული პარკის დაარსება
რომელ დღეებში იკრძალება სასაფლაოებზე გასვლა და როდიდანაა ნებადართული-დაზუსტებული თარიღები
გაიზრდება თუ არა მასწავლებლების ხელფასი სექტემბრიდან – განათლების სამინისტრო აქტუალურ კითხვას პასუხობს