საქართველოში სათბურის ბოსტნეული, კერძოდ, კიტრი და პომიდორი ძვირდება, რადგან ქვეყანა დიდად არის დამოკიდებული თურქულ იმპორტზე. თურქეთში კი ინფლაცია მნიშვნელოვნად იზრდება. EastFruit-ის მონაცემებით, ადგილობრივი ბაზრის დასაკმაყოფილებლად საქართველოსთვის სათბურის ბოსტნეულის იმპორტი აუცილებელია.
თურქეთის სტატისტიკური ინსტიტუტის მონაცემებით, მიმდინარე წლის მარტში სამომხმარებლო ფასები, თებერვალთან შედარებით, 6%-ით გაიზარდა, ხოლო მარტის წლიურმა ინფლაციამ 61%-ს მიაღწია, რაც ყველაზე მაღალი დონეა ბოლო 20 წლის განმავლობაში. მართალია, ლირის გაუფასურება შეჩერდა, მაგრამ, წინა წელთან შედარებით, მისი ღირებულება, დაახლოებით, ნახევარ მაჩვენებელზეა.
აშშ-ის სოფლის მეურნეობის დეპარტამენტის (USDA) 15 მარტის მონაცემებით, თურქეთმა გარკვეული სოფლის მეურნეობის პროდუქტების ექსპორტი ადგილობრივი ფასების სტაბილიზაციისთვის აკრძალა.
8 აპრილის მდგომარეობით ფასების წლიური ზრდა ასეთია:
- მრგვალი წითელი პომიდორი – 140%-ით
- შარშანდელი სტაფილო – 88%-ით
- შარშანდელი ყვითელი ხახვი – 73%-ით
- მოკლე ხორკლიანი კიტრი – 57%-ით
- მწვანე ტკბილი წიწაკა – 55%-ით
- პომიდორი „ჩერი“ – 48%-ით
- მარწყვი – 35%-ით
- ვარდისფერი პომიდორი – 29%-ით
bpn.ge
მსგავსი სტატიები:
“ბედნიერი ადამიანები მხოლოდ ბედნიერებას ავრცელებენ,ყველა იმას ავლენს, რაც გულში აქვს”
იგეგმება გურიის ეროვნული პარკის დაარსება
საჭადრაკო კლუბმა ლანჩხუთში სოციალურად დაუცველ ბავშვებს საჩუქრები გადასცა
მე-19 საუკუნის ოქროთი და ვერცხლით გაწყობილი გურული ხანჯალი
ლარი გამყარდა
საქართველოში მედიკამენტების იმპორტი შემცირდა, თუმცა ღირებულება გაიზარდა
სამი ყველაზე წარუმატებელი ბრძოლა საქართველოს ისტორიაში
შეიქნება თუ არა საქართველოში ხორბლისა და ფქვილის დეფიციტი – ექსპერტის განცხადება