პრორუსული პლატფორმა „ალტ-ინფოს“ ლიდერი და „კონსერვატიული მოძრაობის“ დამფინანსებელი კონსტანტინე მორგოშია გამოცემა Vice-თან ინტერვიუში აცხადებს, რომ დემოკრატიის არ სჯერა და როდესაც ხელისუფლებაში მოვლენ, „ძალიან, ძალიან ბევრ კანონს შეცვლიან“. სიუჟეტი მოგვითხრობს, როგორი განწყობებია საქართველოში უკრაინაში რუსეთის მიერ დაწყებული ომის შესახებ.
ჟურნალისტი: 5 ივლისს, ასევე ქობულეთის ოფისთან თქვენი მხარდამჭერების მხრიდან ძალადობის ფაქტებს არ გმობთ?
მორგოშია: არა. არ ვგმობ. შემიძლია მოგატყუოთ, მაგრამ არ მოგატყუებთ. არ ვგმობ. ისინი მოიქცნენ ისე, როგორც უნდა მოქცეულიყვნენ.
ჟურნალისტი: დემოკრატიის გჯერათ?
მორგოშია: არა, არ მჯერა დემოკრატიის.
ჟურნალისტი: მაშინ არჩევნებში რატომ მონაწილეობთ, თუ დემოკრატიის არ გჯერათ?
მორგოშია: იმიტომ, რომ ამ სიტუაციისა და კანონმდებლობის ფარგლებშიც კი ჩვენ გვაქვს რესურსი, რომ არჩევნებში გავიმარჯვოთ. ხოლო, როცა გავიმარჯვებთ, ჩვენ ძალიან, ძალიან ბევრ კანონს შევცვლით.
პარტია „კონსერვატიული მოძრაობა“ პრორუსულმა და ძალადობრივმა პლატფორმა „ალტ-ინფომ“ დააფუძნა. მისი ორგანიზებით, 2021 წლის 5 ივლისს „თბილისი პრაიდის“ საწინააღმდეგოდ გამართულ ჰომოფობიურ აქციაზე ათობით ჟურნალისტზე იძალადეს.
„კონსერვატიული მოძრაობა“ რუსეთთან პარტნიორული ურთიერთბის მომხრეა. მისი ლიდერები უკვე შეხვდნენ რუსეთის დუმის დეპუტატებს ონლაინ კონფერენციის ფარგლებში. პარტიის წევრები სრული შემადგენლობით რუსეთში წასვლასაც გეგმავენ.
პრორუსული პარტიის ოფისებთან საქართველოს სხვადასხვა რეგიონში საპროტესტო აქციები იმართება. ზოგიერთ ქალაქში პარტიას ოფისები დაახურვინეს და ფართიდან გააძევეს.
news.ge
მსგავსი სტატიები:
“ვერავინ წარმოიდგენდა,ოკუპანტ გავრილოვს გზას იმ კაცის შვილიშვილი გაუთეთრებდა, ვინც ლენინი თბილისში შემოიყვანა”
სუბარი: ‘ნაციონალური მოძრაობის ოფისი არ არის პარიზის ღვთისმშობლის ტაძარი”
რას ჰყვება პრინცი ჰარი დიანას სიკვდილზე
სად გადააქვს მინისტრს ათასობით ექსპონატი – ევაკუაციის გეგმაში არ წერია, სად მიდის ოქროს ფონდი
უკანონო მშენებლობების ბუმი ბახმაროში – საქმე, სავარაუდოდ, მაღალჩინოსნების ინტერესებს ეხება
“სინამდვილეში, ყველაზე დიდი ნაძირალა ამ ძვირიანი ტანსაცმლის და მილანში დავარცხნილი თმის უკან იმალება…თავისი ხიტრაჟოპობით “კაი ტიპს” რო ძერწავდა საკუთარი თავისგან”-ნიკა გვარამია
ეს ახალი მინისტრიც წარმოშობით ქართუდან ყოფილა – ხუხაშვილი
“რუსეთის იმპერიის სიკვდილის მოწმობაზე დაწერილი იქნება არა მიხეილ გორბაჩოვის, არამედ – ვლადიმერ პუტინის სახელი”