ქვეყნის მთავარი ინფექციონისტი სავარაუდოდ, თანამდებობას ტოვებს. “მთავარი არხის” ინფორმაციით, თენგიზ ცერცვაძემ განცხადება ინფექციური საავადმყოფოს ხელმძღვანელის პოსტის დატოვებაზე უკვე დაწერა.
მიზეზი ჯანდაცვის ახალ მინისტრთან, ზურაბ აზარაშვილთან დაპირისპირებაა, რაც კულუარული ინფორმაციით, უკვე რამდენიმე თვეა გრძელდება.
“მთავარმა” ინფორმაციის გადამოწმება თავად ცერცვაძესთან სცადა, თუმცა მან არხის კითხვებს არ უპასუხა:
“არ ვთანამშრომლობ თქვენთან, შესაბამისად, არცერთ კითხვაზე არ გიპასუხებთ. იმას კითხეთ, ვინც გითხრათ. არანაირი დაპირისპირება არ მქონია [ჯანდაცვის მინისტრთან]. მივდივარ ახლა იქ [ინფექციურში] სამუშაოდ”, – თქვა თენგიზ ცერცვაძემ.
კონკრეტულად როდის დატოვებს თენგიზ ცერცვაძე დაკავებულ თანამდებობას, ჯერჯერობით ცნობილი არ არის.
შეგახსენებთ, ჯანდაცვის მინისტრის პოსტზე ზურაბ აზარაშვილის დანიშვნის შემდეგ, სისტემაში საკადრო წმენდა დაიწყო. თანამდებობა უკვე დატოვა რესპუბლიკური საავადმყოფოს დირექტორმა, ლევან გოფოძემ.
უცნობია, უკავშირდება თუ არა წმენდა მინისტრის მიერ რამდენიმე დღის წინ გაკეთებულ განცხადებას, სადაც აზარაშვილმა აღნიშნა, რომ კოვიდპანდემიის დროს დიდი ოდენობით თანხა გაიფლანგა.
მსგავსი სტატიები:
საქართველოში კორონავირუსის 4 570 ახალი შემთხვევა დაფიქსირდა, გარდაიცვალა 43
გურიაში კორონავირუსის საწინააღმდეგო ვაქცინა ჩამოიტანეს
ხვალ ჯანდაცვის მინისტრი, გურიას ეწვევა
კანადაში 12-15 წლის ბავშვებისთვის Pfizer/BionNTech-ის ვაქცინით აცრა დაუშვეს
გეგეჭკორი: სიკვდილის მრუდი ჯიუტად აღმავალია – ეს ყოველწუთიერად გახდება უფრო შემზარავი
200-ლარიანი წამახალისებელი ღონისძიების შედეგად გურიაში 1016 ადამიანმა აიცრა…ვაქცინაციის ტემპმა მოიმატა”-საქსტატი
“მწვანე პასპორტის” ამოქმედებიდან 2 კვირაში მედიკოსები ინფიცირებულთა რიცხვის კლებას ელოდებიან
21 თებერვლის კოვიდსტატისტიკა