პარტია „საქართველოსთვის“ ლიდერი გიორგი გახარია სოციალურ ქსელში საქართველოს შესახებ ევროპარლამენტის რეზოლუციას ეხმაურება.
„ევროპარლამენტის რეზოლუცია მძიმეა საქართველოსთვის არაერთ ასპექტში, თუმცა, სანამ ხელისუფლება და ნაციონალური ოპოზიცია ცდილობს რეზოლუციის მთავარ გზავნილად ერთი კაცის სანქცირება და მეორე კაცის პატიმრობა წარმოაჩინოს, ვკარგავთ სახელმწიფოსთვის მთავარს:
ევროპარლამენტმა ევროკავშირის ინსტიტუტებს უკრაინისა და მოლდოვისთვის კანდიდატის სტატუსის უპირობოდ მინიჭებისკენ, ხოლო საქართველოსთვის კანდიდატის სტატუსის მისანიჭებლად მუშაობისკენ მოუწოდა !
დღეს ჩვენთვის ყველაზე დიდი საფრთხეა, საქართველო მოწყდეს უკრაინას და მოლდოვას, რომლებთან ერთადაც წლების განმავლობაში, „ასოცირებული ტრიოს“ ფარგლებში, ევროკავშირის გაფართოების საკითხი განიხილებოდა და სადაც საქართველო უპირობო ლიდერი იყო.
რეალური საფრთხეა, რომ ქვეყნის ევროპული პერსპექტივა, რისთვისაც იბრძოდნენ ჩვენი წინაპრები და რაზედაც ოცნებობენ ჩვენი შვილები, ხელიდან იქნეს გაშვებული.
ოცნება მზად არის ნებისმიერ ფასად ძალაუფლება შეინარჩუნოს, ხოლო ნაციონალური ოპოზიცია მზად არის ნებისმიერი ფასად ძალაუფლება დაიბრუნოს. ჩვენ, საქართველოს მოქალაქეები, უნდა გავერთიანდეთ ქვეყნის გადასარჩენად და ნებისმიერ ფასად ჩვენს შვილებს თავისუფლება და ევროპული მომავლის პერსპექტივა შევუნარჩუნოთ!
არავის ეპატიება ქვეყნის ინტერესზე მაღლა დადგომა! ქვეყნის ეროვნული ინტერესების მტრობა მძიმე ფასი დაუჯდება ყველას და ვერავინ ამ პასუხისმგებლობას ვერ გაექცევა!“, – წერს გიორგი გახარია.
მსგავსი სტატიები:
“ივანიშვილი აფინანსებდა ტრამპს“-მიხეილ სააკაშვილი
დათოვლილი ოზურგეთი-ფოტოები
ანასტასია გოტფრიდმა ატაცში 111 კგ ასწია და ოქროს მედლის მფლობელი გახდა
„ივანიშვილის პოლიტიკურ საფლავზე ბიუსტს პირადად მე დავდგამ ჩემი ფინანსებით” – შალვა ნათელაშვილი
მამა ნიკოდიმოსი: ეს არის ღვთის საჩუქარი, მადლობა მას
ღარიბებიც არიან და არც არაფერს არ იკლებენ-რას წერდა კონსტანტინე გვარამაძე გურულებზე
საქართველო მსოფლიო ათეულში – ომიკრონის გავრცელება აქტიურ ფაზაში გადავიდა
“გურული ქალი თავშალს რომ წეიკრავს, მერეა გლახათ საქმე” – სოციალური ქსელის რეაქციები ირმა გორდელაძეზე