ოზურგეთელი ავთანდილ მამალაძე ხვალ ევროპის ჩემპიონატზე იასპარეზებს

რუმინეთის დედაქალაქ ბუქარესტში ევროპის ჩემპიონატი 17 – წლამდელთა შორის იწყება.

დღეიდან, საქმეში ბერძნულ-რომაული სტილით მოჭიდავეები ჩაებმებიან და საქართველოს ნაკრები ევროხალიჩაზე 10 სპორტსმენით გავა.

ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებისთვის ორმაგად საპასუხისმგებლო და სასიხარულოა ეს დღე, რადგან ევროპის ჩემპიონობისთვის ჩვენი სექციის სპორტსმენი ავთანდილ მამალაძე 60 კგ წონით კატეგორიაში იასპარეზებს. ავთანდილ მამალაძეს კახაბერ აბაშიძე ავარჯიშებს.

წარმატება ვუსურვოთ ავთანდილს, პრესტიჟულ ჩემპიონატზე.

ქვემოთ გთავაზობთ საქართველოს ნაკრების სიას, რომლებიც ევროპის პირველობაზე ავთანდილთან ერთად იბრძოლებენ :

45 კგ – გიორგი კოჩალიძე

48 კგ – ვახტანგ ლოლუა

51 კგ – ანრი ხოზრევანიძე

55 კგ – საბა სურმანიძე

65 კგ – ლევან ორჯონიკიძე

71 კგ – ანრი ფუტკარაძე

80 კგ – ლუკა გელაშვილი

92 კგ – საბა ფურცელაძე

110 კგ – დავით მგელაძე

მთავარი მწვრთნელი: მამუკა სულთანიშვილი;