შსს „ტვ პირველში“ ჩხრეკის ჩატარებას გეგმავს

დაანონსებული ჩხრეკა “ტვ პირველში” – სამდღიანი დუმილის შემდეგ არხმა შინაგან საქმეთა სამინისტროს ოფიციალური მოთხოვნა მიიღო –  გომელაურის უწყება გამომძიებელ ჟურნალისტებს სთხოვს დაასახელონ, სად ინახავენ მასალებს.

საქმე ეხება ” ნოდარ მელაძის შაბათის” სკანდალურ ჟურნალისტურ გამოძიებას, რომლითაც  5 ივლისის  სისხლიანი დღის უკან ხელისუფლების  კვალს ადასტურებს.

შსს არხის გამომძიებელ-ჟურნალისტებისგან იმ მასალების გადაცემას მოითხოვს, რის საფუძველზეც მათი ვარაუდით, რეპორტაჟი მომზადდა.

“ტვ პირველის” საინფორმაციო სამსახურის ხელმძღვანელი, ნოდარ მელაძე, ამბობს, რომ შინაგან საქმეთა სამინისტრო არხისგან ითხოვს, წინასწარ უთხრან, სავარაუდოდ, რა ჟურნალისტური გამოძიება შეიძლება, იყოს შემდეგში მომზადებული.

„ითხოვენ, წინასწარ გადავცეთ მათ მასალები, რომელიც შეიძლება, ჟურნალისტური გამოძიების საგანი გახდეს. ასევე ამავე წერილში გვთხოვენ, დავუკონკრეტოთ, კონკრეტულად სად ვინახავთ ჟურნალისტური გამოძიების მასალებს. ეს ყველაფერი აჩენს განცდას, მათი სურვილი არ არის, რეალურად დაიწყოს გამოძიება, იმ მაღალჩინოსნების თანამონაწილეობაზე იმ სისხლისღვრაში, რომელიც ჟურნალისტების წინააღმდეგ მოაწყვეს რუსთაველის გამზირზე. მათი სურვილია, დაადგინონ, კიდევ რა მასალა შეიძლება, გვქონდეს გამომძიებელ ჟურნალისტებს მოპოვებული და რა სახის ჟურნალისტურ გამოძიებას ვამზადებდეთ ჩვენ.

მათ პირველ რიგში, სასწრაფო წესით უნდა დაეწყოთ გამოკითხვების სერია, ჟურნალისტური გამოძიების ეთერში გასვლის შემდეგ. ამოეღოთ ამ ადამიანების მობილური ტელეფონები და გადაეგზავნათ სამხარაულის ექსპერტიზის ეროვნულ ბიუროში, ექსპერტიზაზე. დაედგინათ, ისევ ის მობილური ტელეფონები აქვთ თუ არა, რომლითაც მაშინ სარგებლობდნენ, რომ მტკიცებულებები არ განადგურებულიყო. ეს ადამიანები ჭიმავენ დროს, ცდილობენ დაადგინონ, კიდევ რა ჟურნალისტური გამოძიება შეიძლება გავაკეთოთ, იმისთვის რომ ამ ადამიანებმა მტკიცებულებები გაანადგურონ  და შემდეგ თქვან, რომ ჩვენ არაფერ შუაში არ ვართ”- თქვა ნოდარ მელაძემ.

გააზიარეთ და მოიწონეთ სტატია:

მსგავსი სტატიები:

დედის შეურაცხყოფაზე პასუხის მოთხოვნა არ შეიძლება ვინმეს სკანდალად მიაჩნდეს -ყაველაშვილი “და რა ატირებს ხოლმე ჩუმად ფანჯრისკენ შებრუნებულ დედაჩემს? რა თქმა უნდა, იმასაც ამსტერდამში უნდა” “სისხლიანი 9 წელი”… მოგხედავთ, 2030 წლისთვის”… “მიხეილ სააკაშვილმა თავი უნდა აარიდოს პროვოკაციებს” პრეზიდენტის სტიპენდიანტი მინისტრი – რატი ბრეგაძის გადამალული ქონება ნალექი, ძლიერი ქარი, ზღვაზე შტორმი – 4 თებერვლიდან საქართველოში აცივდება უკრაინელებმა სოფელი მალინოვკა გაათავისუფლეს დაკავებულმა ბიზნესმენმა ციხეში უვადო შიმშილობა გამოაცხადა