რუსეთის ფედერაციიდან გაზის მიწოდების პრობლემები ამა თუ იმ ხარისხით ევროკავშირის 12 ქვეყანას შეეხო. ამის შესახებ ევროკომისიის პრეზიდენტმა ურსულა ფონ დერ ლაიენმა განაცხადა. მან წევრ ქვეყნებს მოუწოდა მოემზადონ რუსული გაზის მიწოდების შემდგომი შეფერხებების ან სრული შეჩერებისთვისაც კი.
„რუსეთმა შეამცირა ან შეუწყვიტა გაზის მიწოდება ევროკავშირის 12 ქვეყანას. ჩვენ უნდა მოვემზადოთ შემდგომი შეფერხებებისთვის ან უფრო მეტი, რუსული გაზის მიწოდების სრული შეჩერებისთვისაც კი“,- განაცხადა ურსულა ფონ დერ ლაიენმა.
მისი თქმით, 2022 წლის პირველ სემესტრში ევროკავშირმა შეიძინა 38 მილიარდი კუბური მეტრი თხევადი ბუნებრივი აირი (LNG) და ეს მოცულობა აკომპენსირებს რუსული გაზის მიწოდების შემცირებას 28 მილიარდი კუბური მეტრით.
„ევროკავშირი იღებს სულ უფრო მეტ გაზს ნორვეგიიდან, სპარსეთის ყურის ქვეყნებიდან და კასპიის ზღვის რეგიონიდან და შედეგები უკვე თვალსაჩინოა“,- განაცხადა ევროკომისიის პრეზიდენტმა.
მისი თქმით, ევროკავშირის წევრი ქვეყნების კოლექტიური შეთანხმება გაზის მოხმარების 15%-ით შემცირებასთან დაკავშირებით, ასევე ძალიან მნიშვნელოვანია და დაეხმარება ევროკავშირს მარაგების შევსებაში ზამთრამდე.
„მე მჯერა, რომ ერთიანობა და სოლიდარობა, რომელიც დაგვეხმარება პანდემიისთვის წინააღმდეგობის გაწევაში, ასევე დაგვეხმარება დავძლიოთ ეს სირთულეებიც“,- განაცხადა ურსულა ფონ დერ ლაიენმა.
მსგავსი სტატიები:
“როგორ მინდა, ფულის ტომრის ბატონობა, რაც შეიძლება მალე დამთავრდეს საქართველოში”
“ივანიშვილის სპეცრაზმი მივა ყველგან და ყველა ლიდერთან, ეს იქნება მძიმე ბრძოლა”
“ფიქტიურ ქორწინებას” ჰგავს, „გამარჯვებად“ ვერ გავაფორმებთ – თაკო ჩარკვიანი შარლ მიშელის დოკუმენტზე
“მე თუ რამე ამატირებდა არ მეგონა…დღეს “ქართული ოცნება” მრავლობითი ბესო ფიფიებია” – პაატა ბურჭულაძე
“არ მოგენატრათ თქვენი ქვეყნით სიამაყით განცდა?” – მიხეილ სააკაშვილის მიმართვა ხალხს, სასამართლო დარბაზიდან
გოგიჩაიშილი მოსმენებზე – პარლამენტის წევრობისას ოთახს სპეციალური მოწყობილობით ვამოწმებდი
”კრიმინალ სააკაშვილის რეფორმების საბჭოში დანიშვნა ელჩის გაწვევაზე დიდი პრობლემაა” – კობახიძე
გადმომაბარეთ უფლებამოსილება და ზელენსკის ვათქმევინებ, რომ კანდიდატის სტატუსი მოგვცენ – ვაშაძე