“მუდმივად გვტესტავენ და ჩვენც, როგორც შეგვიძლია, მუდმივად ვაბარებთ ამ ტესტს ანტირუსულობაზე“–ლაშა ბუღაძე

მწერალი ლაშა ბუღაძე რუსი ტურისტების მოზღვავებაზე საქართველოს ხელისუფლების და ქართული საზოგადოების რეაქციებზე წერს:

“ყველა, ვინც რუსულად ლაპარაკობს, არ არის პუტინისტი და დამპყრობელი (ნახევარი უკრაინაც რუსულად ლაპარაკობს), არც რუსი ტურისტია ეგზისტენციალური პრობლემა და მით უმეტეს არც პუტინის რუსეთიდან გამოქცეული ადამიანი, პრობლემაა რუსული 90-იანების კაცის, ივანიშვილის არსით, მენტალიტეტით და პუტინიზმთან ვალდებულებებით მიბმული მმართველობა. ანტიევროპული და ანტიქართული, ყველა მისი გამოვლინებით.
“ქართული ოცნება” კი ბოლოს რეალურ ანტირუსულ წინააღმდეგობის მოძრაობას მიიღებს საქართველოს მოსახლეობისგან. მუდმივად გვტესტავენ და ჩვენც, საზოგადოებაც, როგორც შეგვიძლია, მუმდივად ვაბარებთ ამ ტესტს ანტირუსულობაზე – 20 ივნისით დაწყებული, უკრაინის თუ თუნდაც აგერ “დედაენის ბარის” მხარდაჭერით. ჩვენი პოლიტიკური გარუსება აქ ადვილად არავის გამოუვა. ეს ყველამ უნდა იცოდეს.“– წერს ლაშა ბუღაძე.