ლევან ხაბეიშვილი ვანო ჩხარტიშვილსა და ვასილჩიგოგიძეს რუსეთთან კავშირში ამხელს

„ნაციონალური მოძრაობის“ წევრი ლევან ხაბეიშვილი უმრავლესობის ოთხ წევრს: ვასილ ჩიგოგიძეს, ალექსანდრე დალაქიშვილს, ანტონ ობოლაშვილს და ისკო დასენს მოუწოდებს, „ამხილონ ბიძინა ივანიშვილის რეჟიმი რუსეთის ომის დაფინანსებაში, დატოვონ უმრავლესობა და უზრუნველყონ „ქართული ოცნების” უმრავლესობის დაშლა პარლამენტში“.

როგორც ხაბეიშვილმა „ნაციონალური მოძრაობის” ოფისში გამართულ ბრიფინგზე განაცხადა, ისინი აღნიშნული დეპუტატების რუსულ კავშირებთან დაკავშირებით მტკიცებულებებს აგროვებენ.

„ეს არ არის ვიწრო წრე, რომელთა რუსულ კავშირებზეც ჩვენ ვმუშაობთ. საუბარია ბიზნესმენ ვასილ ჩიგოგიძეზე, ალექსანდრე დალაქიშვილზე, ანტონ ობოლაშვილზე და ისკო დასენზე. ჩემო ძვირფასებო, ჩვენ ვაგროვებთ მტკიცებულებებს თქვენს რუსულ კავშირებთან დაკავშირებით. თქვენ გაქვთ რამდენიმე კვირა ამხილოთ ბიძინა ივანიშვილის რეჟიმი რუსეთის ომის დაფინანსებაში, დატოვოთ უმრავლესობა და უზრუნველყოთ “ქართული ოცნების” უმრავლესობის დაშლა პარლამენტში, რაც საქართველოში გამოიწვევს ახალ არჩევნებს და შემდგომ ხელისუფლების ცვლილებას”, – განაცხადა ხაბეიშვილმა.

მან ასევე, მოუწოდა ბიზნესმენებს: ვანო ჩხარტიშვილს, ირაკლი რუხაძეს, დავით ხიდაშელს და ოთარ ფარცხალაძეს, გააკეთონ არჩევანი ცივილიზებულ სამყაროსა და რუსეთს შორის.

„ასევე, მინდა გამოვეხმაურო იმ სიას, რომელიც უკრაინის ანტიკორუფციულ სამსახურს უკვე შედგენილი აქვს და ამ სიაში არიან: ვანო ჩხარტიშვილი, რუხაძე, ხიდაშელი და ფარცხალაძე. ბატონ რუხაძესაც, მის ტელეკომპანია “იმედთან” ერთად აქვს კიდევ რამდენიმე კვირა იმისთვის, რომ გააკეთოს არჩევანი ცივილიზებულ სამყაროსა და რუსეთს შორის. ასევე, მოვუწოდებ ჩხარტიშვილს, ფარცხალაძეს და ხიდაშელს – ერთადერთი ხსნა და ერთადერთი გზა არის მხილება ივანიშვილის და სასწრაფოდ შეცვალოთ თქვენი კურსი. წინააღმდეგ შემთხვევაში, თქვენთვის ყველაზე ძვირფასს, ფულს, რომელზეც გიჟდებით, დაემუქრება სერიოზული საფრთხე ისევე, როგორც უჩა მამაცაშვილი თავის მილიარდებს დაემშვიდობება მას შემდეგ რაც უკრაინის ხელისუფლებამ ოფიციალურად გამოსცა კონკრეტული სანქციები და ამას მოყვება ამერიკის შეერთებული შტატები, დიდი ბრიტანეთი და ამას აუცილებლად გაიზიარებს ოფიციალური ბრიუსელი”, – განაცხადა ხაბეიშვილმა.

გააზიარეთ და მოიწონეთ სტატია:

მსგავსი სტატიები:

რა ღირს დღეს თხილი ოზურგეთში და რა მოლოდინები აქვთ მიმღებ პუნქტებში 64 ჩოხატაურელი მასწავლებელი, სექსუალური ხასიათის დანაშაულის ბრალდებით დაკავებულია “ამონარიდი ჩემი წიგნიდან ბენიას შესახებ: როცა ქალაქის თავად აირჩიეს ბენია ჩხიკვიშვილი”-ირაკლი მახარაძე “ლანჩხუთის მერის ხელფასი თვეში 5060 ლარი იქნება, ამ დროს თქვენ საკვებს ვერ ყიდულობთ შვილებისთვის” “წინათ თურმე გურიაში აღაპი, იგივე ქელეხი, მიცვალებულის დამარხვის რამდენიმე დღის და ერთი წლის შემდეგაც შეიძლება გადაეხადათ”-ირაკლი მახარაძე ოზურგეთის მერი ავთანდილ თალაკვაძე, ორგანიზაცია „ბავშვთა კეთილდღეობის ლიგის“ წარმომადგენლებს შეხვდა 5-12 წლის ბავშვებისთვის Covid-ვაქცინა ქვეყანაში II კვარტალში შემოვა – გამყრელიძე ლანჩხუთის “გურია”  დავით ყიფიანის სახელობის საქართველოს  თასის მეოთხედფინალში გავიდა