“პრობლემა “ოცნებაა”…პრობლემა ოლიგარქი ივანიშვილია…დროა დავაწესოთ ინდივიდუალური სანქციები”- კრამერი

აშშ-ის სახელმწიფო დეპარტამენტის ყოფილმა მაღალჩინოსანმა “ამერიკის ხმასთან” ინტერვიუში საქართველოში კონკრეტული პირების მიმართ ინდივიდუალური სანქციების მნიშვნელობაზე ისაუბრა.

დევიდ კრამერმა თქვა, რომ ამერიკის მხრიდან საქართველოსადმი დახმარების გადახედვა ნაკლებად სავარაუდოა, თუმცა უფრო მოსალოდნელია, რომ აშშ-მა კონკრეტული ზომები კონკრეტული პირების მიმართ მიიღოს.

ამავე კონტექსტში კრამერმა განაცხადა, რომ ქართველი ხალხი NATO-სა და ევროკავშირის მომხრედ რჩება, პრობლემა კი “ოცნების” ხელისუფლება და “ოლიგარქი, ბიძინა ივანიშვილია, რომელიც პროცესებს კულისებიდან მართავს”.

“ვფიქრობ, ნაკლებად სავარაუდოა, რეფორმებით განპირობებული დახმარება ვიხილოთ. მეტად მოსალოდნელია ვიხილოთ გარკვეული ნაბიჯები, გარკვეული პირების წინააღმდეგ. თუ ჩვენ, ჩვენს დახმარებას რეფორმების პროგრესზე დაფუძნებით განვსაზღვრავთ, მაშინ ჩნდება რისკი, ეს ქართველი ხალხის სასჯელად იქცეს. ჩვენ კი ამის გაკეთება არ გვინდა. ვფიქრობ, ერთ-ერთი მნიშვნელოვანი მახასიათებელი, რომელსაც საქართველოში ვხედავთ ისაა, რომ ქართველი ხალხი რჩება ნატოს, ევროკავშირის, შეერთებული შტატების მომხრედ. პრობლემა ხელისუფლებაა, პრობლემა „ქართული ოცნებაა“, პრობლემა ოლიგარქია, ბიძინა ივანიშვილი, რომელიც პროცესებს კულისებიდან მართავს. ასე რომ, სრულიად არ მომწონს ამის თქმა, მაგრამ ვფიქრობ დროა დავაწესოთ მიზანმიმართული, ინდივიდუალური სანქციები და არა სანქციები ქვეყნის წინააღმდეგ. ძალიან მკაფიო მინდა ვიყო, სანქციები არა საქართველოს წინააღმდეგ, არა ქართველების წინააღმდეგ, არამედ ცალკეული ქართველების წინააღმდეგ, რომლებსაც ვფიქრობ ქვეყანა უფსკრულისკენ მიჰყავს. ჩვენ გვინდა, წარმატებული საქართველო ვიხილოთ, მაგრამ მთავრობა და ხელისუფლებაში მყოფი პარტია საქართველოს მოსკოვთან აახლოებს და სულ უფრო აშორებს დასავლეთს, შეერთებულ შტატებს კი თავს ესხმის. ვფიქრობ, დროა ვთქვათ, ეს საკმარისია”,- ამბობს კრამერი.

კრამერი ინტერვიუში საქართველოს ხელისუფლების მხირდან ანტიამერიკულ რიტორიკაზე საუბრობდა მან აღნიშნა, რომ ოფიციალური თბილისიდან აშშ-ს მიმართ რიტორიკა სულ უფრო უარესდება.

გააზიარეთ და მოიწონეთ სტატია:

მსგავსი სტატიები:

ჟორჟოლიანი: ან მივიღებთ ხელახალ არჩევნებს, ან პარლამენტში მარტო დარჩებიან მზად ვარ ყველა ფორმის დიალოგისთვის- პრეზიდენტი განცხადებას ავრცელებს მელიას ციხეში დაწერილი თეზისები, საერთოდ არ მაინტერესებს- ელისაშვილი “ყველაზე მნიშვნელოვანია, რომ ქვეყანაში შენარჩუნდეს მედიის იმიჯი და მის მიმართ ნდობა,ხელისუფლება მიდის ბელარუსის გზით” ხელი ჩამოვართვი ტანით მომცრო ასულს, მაგრამ მის ხელში ძალა ვიგრძენი – კახაძე წულუკიანზე “4-ჯერ თუ 3-ჯერ მიბჯენით ვესროლეო და შემდეგ მუხლებზე დაცემულს 2 ტყვია ზურგში ესროლა” – ოჯახი, რომელიც “ოცნების” საამართლომ გაანადგურა დუმილს არღვევს და ასახელებს მიზეზებს თუ რის გამო გაუღეს ციხის კარი ზვიადაურს “32 წლის მანძილზე მორალისგან ესეთი დაცლილი ქართული პოლიტიკა არასდროს ყოფილა…მაშინაც კი როცა გრეჩიხა ყველასგან “ოქროს პარაშუტს” ითხოვდა”-ოქრუაშვილი ქუთაისის პარკში რუსეთის დროშა დაკიდეს