ორსულობის და მშობიარობის გამო შვებულება სახელმწიფო ბიუჯეტიდან ანაზღაურდება – ამის შესახებ ცვლილება შრომის კოდექსში შედის.
ჯანმრთელობის დაცვისა და სოციალურ საკითხთა კომიტეტის სხდომაზე კომიტეტში შემუშავებული ახალი საკანონმდებლო ინიციატივის შესახებ იმსჯელეს. საკანონმდებლო ინიციატივა „საქართველოს შრომის კოდექსში“ ცვლილების შეტანას ითვალისწინებს და სადეკრეტო შვებულების დახმარებას ეხება.
ჯანმრთელობის დაცვისა და სოციალურ საკითხთა კომიტეტის თავმჯდომარის პირველი მოადგილე ვლადიმერ კახაძის განმარტებით, ცვლილება შედის 39-ე მუხლში, რომლის მიხედვით, ორსულობისა და მშობიარობის გამო შვებულება, ბავშვის გამო შვებულება და ახალშობილის შვილად აყვანის გამო შვებულება ანაზღაურდება საქართველოს სახელმწიფო ბიუჯეტიდან საქართველოს კანონმდებლობით დადგენილი წესით.
ორსულობისა და მშობიარობის გამო, ანაზღაურებადი შვებულებისა და ბავშვის გამო ანაზღაურებადი შვებულების გამო, აგრეთვე, ახალშობილის შვილად აყვანის გამო ანაზღაურებადი შვებულების პერიოდზე გასაცემი ფულადი დახმარების ჯამური ოდენობა განისაზღვრება საქართველოს მთავრობის დადგენილებით.
ვლადიმერ კახაძის განმარტებით, მნიშვნელოვანია, რომ დასაქმებული და დამსაქმებელი შეიძლება შეთანხმდნენ აღნიშნული შვებულების დამატებით ანაზღაურებაზე.
კომიტეტმა საკანონმდებლო ცვლილების ინიცირებას მხარი დაუჭირა.
მსგავსი სტატიები:
რა პრინციპით მოიხსნება შეზღუდვები 1-ლი თებერვლიდან
ოზურგეთის თეატრი განცხადებას ავრცელებს
ჩვენი ნინო თოიძე-9 აპრილის ტრაგედიიდან 32 წელი გავიდა
დღეის მდგომარეობით, კორონავირუსის საწინააღმდეგო ვაქცინით 19 694 პირია აცრილი
Silver Islet – სუფთა ვერცხლის კუნძული
ქართველების მორიგი წარმატება – ლევან კოღუაშვილის ფილმმა, ნიუ-იორკში, „ტრაიბეკას“ კინოფესტივალზე სამი ჯილდო მოიპოვა
“დუმილი ამ დროს შეუძლებელია, არ შეიძლება სიკვდილის ქრონიკის თანამონაწილეები გავხდეთ” – გია გვარამია სააკაშვილზე
რას ნიშნავს კრიმანჭული და რა საერთო აქვს მას ავსულებთან