კრემლი საქართველოს მოქალაქეებისთვის სავიზო რეჟიმის გაუქმებას გეგმავს – რას აცხადებენ რუსეთის საგარეო უწყებაში

რუსეთის საგარეო საქმეთა მინისტრის მოადგილის, მიხაილ გალუზინის თქმით, საქართველოს მოქალაქეებისთვის სავიზო რეჟიმის გაუქმებას არ გამორიცხავენ. ამის შესახებ მან რუსულ პროპაგანდისტულ მედიასთან TACC-თან ინტერვიუში ისაუბრა.

გალუზინიმ ინტერვიუში თქვა, რომ დიპლომატიური ურთიერთობების არარსებობის მიუხედავად, რუსეთ-საქართველოს თანამშრომლობა “ვითარდება”. მან დიპლომატიური ურთიერთობის აღდგენაზეც ისაუბრა და თქვა, რომ ეს თბილისზეა დამოკიდებული.

“2012 წელს ჩვენ უყოყმანოდ დავუჭირეთ მხარი თბილისის მიერ შემოთავაზებულ კურსს ორმხრივი ურთიერთობების ნორმალიზებისთვის. ახლა კი, მიუხედავად რთული საგარეო ვითარებისა და დიპლომატიური ურთიერთობების არარსებობისა, რუსეთ-საქართველოს თანამშრომლობა ვითარდება. მიმდინარე წლის 11 თვეში სავაჭრო ბრუნვა 2021 წლის ანალოგიურ პერიოდთან შედარებით ერთნახევარჯერ გაიზარდა და 2,2 მილიარდ დოლარს გადააჭარბა. ვაჭრობის პარალელურად, მაჩვენებლები იზრდება ტურიზმისა და ფულადი გზავნილების მიმართულებით.

რაც შეეხება დიპლომატიურ ურთიერთობებს, მინდა გავიხსენო, რომ ისინი თბილისის ინიციატივით 2008 წელს გაწყდა,  [თბილისი] სამწუხაროდ, განაგრძობს მისი აღდგენის შესაძლებლობის უგულებელყოფას თავისი პოლიტიკური მოთხოვნებით, რომლებიც რეგიონში ახალ რეალობასთან წინააღმდეგობაში მოდის. ამრიგად, ბურთი კვლავ ქართულ მხარესაა.

რაც შეეხება საქართველოს მოქალაქეების რუსეთში მოგზაურობისთვის სავიზო რეჟიმის გაუქმების პერსპექტივებს, არ გამოვრიცხავთ პოზიტიური გადაწყვეტილებების მიღებას, როგორც კი ამის აუცილებელი წინაპირობა ჩამოყალიბდება”, – თქვა მან.

გააზიარეთ და მოიწონეთ სტატია:

მსგავსი სტატიები:

წულუკიანი: დიდი იმედი მაქვს, რომ ბატონი ბიძინა პარტიის საქმიანობაში დიდხანს იქნება ჩართული “ევროკავშირს რუსეთის Sputnik V ვაქცინა არ სჭირდება” – ევროკომისარი გახარია “ქართულ ოცნებას“ ამომრჩეველთა სოლიდურ ნაწილს წაართმევს – ლაგაზიძე ეს მარტივი სქემაა – რა სქემა აქვს ივანიშვილს? – ნინო ბურჯანაძე 500 000 ადამიანი მყავს დაბადებამდე ნანახი – ლადო კახაძე „არგაღიზიანების“ პოლიტიკის მორიგი გამოვლინებაა – საქართველოს რეფორმების ასოციაცია “ოცნების” რეზოლუციაზე უკრაინელებმა ტროსტიანეცი ოკუპანტებისგან გაათავისუფლეს “გვახსენებს, რომ რუსული ოცნების მმართველობის პირობებში კანდიდატის სტატუსს ვერ მივიღებთ” | მელია “წასულების” განცხადებაზე