“უკრაინა პუტინისთვის სასიკვდილო განაჩენია”- პოდოლიაკი

უკრაინის პრეზიდენტის ოფისის მრჩევლის, მიხაილო პოდოლიაკის განცხადებით, რუსეთის პრეზიდენტისთვის უკრაინა სასიკვდილო განაჩენია. პოდოლიაკის თქმით, პუტინი საკუთარ მოჩვენებით სამყაროშია და არ ესმის რა გამოიწვია მის მიერ დაწყებულმა ომმა.

როგორც პოდოლიაკმა აღნიშნა, რუსული საზოგადოება და სამხედროები იმავე მოჩვენებით სამყაროში ცხოვრობენ, მაგრამ მათ ასევე ესმით, რომ “ყველაფერი გეგმის მიხედვით არ მიდის”.

“მათ ესმით, რომ ყველაფერი გეგმის მიხედვით არ მიდის, ეს აშკარაა. პირველ რიგში სამხედროებს ესმით, რომ მათი ქვეყანა გაძარცვეს. მათ ესმით, რომ მსოფლიოს მეორე არმია და სამხედრო-სამრეწველო კომპლექსი, რომლისაც ყველას უნდა ეშინოდეს, არ არსებობს. მათ ესმით, რომ აბსოლუტურად არ არსებობდა საჭიროება, რომ უკრაინას თავს დასხმოდნენ, რადგან ეს არის ქვეყანა, რომელიც აუცილებლად დაასრულებს ამ ომს და ეს იქნება ის, რაც მათ აბსოლუტურად არ მოეწონებათ. მათ ესმით, რომ ისტორიულად ისინი უმნიშვნელოდ გამოიყურებიან, დიახ, ეს სადღაც ქვეცნობიერში ესმით, რადგან შეუძლებელია უცხო მიწაზე მოსულ ნაძირალებს, რომლებმაც დახოცეს მშვიდობიანი მოსახლეობა, გმირები უწოდოთ”, – თქვა პოდოლიაკმა.

პოდოლიაკის თქმითვე, რუსეთი იმედოვნებს, რომ უკრაინაში ომს, მობილიზებული სამხედროების ხარჯზე და სანქციების გვერდის ავლით მოიგებს.

“პუტინს სჯერა, რომ ის ზეწოლას მოახდენს. მე მისთვის დიდი სინანულით მინდა ვთქვა, რომ სიტყვა უკრაინა მისთვის სასიკვდილო განაჩენია”, – თქვა მან.

გააზიარეთ და მოიწონეთ სტატია:
Pin Share