“სტრასბურგის სასამართლოს გადაწყვეტილება 12-წლიანი შრომის შედეგი იქნება“-გახარია

დღეს პირველად მიეცემა საერთაშორისო სასამართლოს მიერ შეფასება 2008 წლის რუსეთ-საქართველოს ომს. ეს უნდა გახდეს ახალი ეტაპი ქვეყნის დეოკუპაციისთვის ბრძოლაში, – ამის შესახებ ქვეყნის პრემიერ-მინისტრმა გიორგი გახარიამ მთავრობის სხდომის დაწყებისას განაცხადა. დღეს საქართველოსთვის უმნიშვნელოვანესი დღეა

„მოგეხსენებათ, რამდენიმე საათში ადამიანის უფლებათა ევროპული სასამართლო მიიღებს საბოლოო გადაწყვეტილებას საქმეზე: „საქართველო-რუსეთის წინააღმდეგ“. ეს გადაწყვეტილება იქნება ჩვენი მოქალაქეების, იუსტიციის სამინისტროს თანამშრომლების, სპეციალისტების 12-წლიანი შრომის შედეგი და, რა თქმა უნდა, ჩვენ ყველა დარწმუნებული ვართ, რომ ეს იქნება სამართლიანი გადაწყვეტილება. ყველას უნდა გვესმოდეს, რომ ეს გარდა იმისა, რომ ახდენს ჩვენი დაზარალებული მოქალაქეების კომპენსაციას, რა თქმა უნდა, ეს ძირითადად იქნება საფუძველი მათი ინტერესების შემდგომი დაცვისთვის საერთაშორისო დონეზე. გარდა ამისა, რა თქმა უნდა, ეს გადაწყვეტილება ჩვენ გვაკისრებს დამატებით ვალდებულებებს, როგორც მთავრობას და ყველას კარგად უნდა გვესმოდეს, რომ ჩვენ უახლოეს პერიოდში უნდა გადავდგათ კონკრეტული ნაბიჯები უწყებათაშორის კოორდინირებული მუშაობის ქვეყნის დეოკუპაციის მიმართულებით და ამ ნაწილში ჩვენ გვაქვს კონკრეტული გეგმა, რომელსაც მივყვებით და რომელსაც ჩვენ საზოგადოებას გავაცნობთ უახლოეს პერიოდში. კიდევ ერთხელ მინდა ხაზგასმით აღვნიშნო, რომ დღეს არის საქართველოს უახლეს პერიოდში უმნიშვნელოვანესი დღე და დღეს პირველად მიეცემა საერთაშორისო სასამართლოს მიერ შეფასება 2008 წლის რუსეთ-საქართველოს ომს და ეს უნდა გახდეს ახალი ეტაპი ქვეყნის დეოკუპაციისთვის ბრძოლაში,“ – განაცხადა პრემიერმა.

გააზიარეთ და მოიწონეთ სტატია:

მსგავსი სტატიები:

“დაველოდოთ გაწონასწორებულ, ობიექტურ, იურიდიულ ანალიზს” ნიკა გვარამია გიორგი გაბუნიას დაგეგმილ მკვლელობაზე საუბრობს კიდევ ერთი “ტრიუკი” ივანიშვილისგან-გასაიდუმლოებული დამფუძნებელი ფონდ “ქართუში” “უპასუხისმგებლო პოლიტიკოსები, იმსახურებენ უფლებამოსილების შეწყვეტას”-წილოსანი ლუკა რამიშვილი – 15 წლის ეთიკური ჰაკერი და კიბერუსაფრთხოების სპეციალისტი სააკაშვილმა ჭერი აარღვია- გვარამია ყოფილი პრეზიდენტის ბოლო მიმართვას ეხმაურება “მე არ მეგონა, თუ ამ ასაკში ნიკა ასეთ სიყვარულს დაიმსახურებდა. ხალხმა იცის ვინ უნდა შეიყვაროს” “საქართველოსა და უკრაინის ინიციატივით უნდა შეიქმნას ნატო-ს წევრი ქვეყნების პარლამენტარების ერთგვარი ლობისტური ჯგუფი”