“პაციენტი…შედარებით უფრო გააქტიურებულია….ჩვენ იმედს  ვიტოვებთ, რომ…..კიდევ უფრო შეასრულებს ჩვენს რეკომენდაციებს…..ჩვენს  დანიშნულებას და მისი მდგომარეობა კიდე უფრო გაუმჯობესდება“-ზურაბ ჩხაიძე სააკაშვილზე

უეცარი სიკვდილისაგან  ჯანმრთელი ადამიანიც არ არის დაზღვეული, –  ამის შესახებ კლინიკა „ვივამედის“ დირექტორმა  ზურაბ ჩხაიძემ პატიმრობაში მყოფი მესამე პრეზიდენტ,  მიხეილ სააკაშვილთან დაკავშირებით  სახალხო დამცველის კონსილიუმის წევრების განცხადებების კომენტირებისას  განაცხადა.

მისი თქმით, ძირითად ნაწილში კონსილიუმის წევრების განცხადებები თანხვედრაშია კლინიკის შეფასებებთან.

ჩხაიძის თქმით, კონსილიუმის ექიმებმაც აღნიშნეს, რასაც თავადაც ეთანხმება, რომ „პაციენტს აღენიშნება შეუგუებლობა იმ სიტუაციასთან, რაც სიტუაციაშიც ის იმყოფება“.

„კონსილიუმის წევრებს ჰქონდათ საშუალება  გასცნობოდნენ სამედიცინო ისტორიას, მიმდინარე კვლევებს,  რაც შეეხება  მათ განცხადებებს, თანხვედრაშია იმ მოსაზრებებთან   რასაც ჩვენ ვაჟღერებდით,  რა თქმა უნდა პაციენტის მდგომარეობა  საყურადღებოა. ჩვენი მითითებები ნაწილობრივ სრულდება. პაციენტი არ ასრულებს ჩვენს  მითითებებს და  რჩება მხოლოდ სიმპტომატური მკურნალობა.

რაც შეეხება  უეცარ სიკვდილს ეს არის წმინდა თეორიული მსჯელობა. ნებისმიერ ადამიანს შეიძლება დაემართოს ეს. არცერთი ადამიანი მსგავსი გართულებისგან არ არის დაზღვეული.

ამ შემთხვევაში  ამის რაიმე განსაკუთრებული საფუძველი არ არსებობს. გადაადგილდება პაციენტი, შედარებით უფრო გააქტიურებულია, ჩვენ იმედს  ვიტოვებთ,  რომ პაციენტი კიდევ უფრო შეასრულებს ჩვენს  რეკომენდაციებს, ჩვენს  დანიშნულებას და მისი მდგომარეობა კიდე უფრო გაუმჯობესდება“, – განაცხადა ჩხაიძემ.

რაც შეეხება  ენმ-ის წევრის,   გიორგი ჩალაძის განცხადებებს, ჩხაიძე აცხადებს, რომ ეს ღიმილისმომგვრელია მისთვის.

„ჩალაძის გვარის გაგონება  უკვე ღიმილისმომგვრელია ყველასთვის,  გაურკვეველი ბრალდებები აქვს, ჩვენ  საერთოდ ვერ გავიგეთ,   რა უნდა ამ ადამიანს, მას თავისი მიზნები აქვს და ეს ჩვენთვის გაუგებარია“, – განაცხადა ჩხაიძემ.

გააზიარეთ და მოიწონეთ სტატია:

მსგავსი სტატიები:

პანდემიასთან გასამკლავებლად, ევროკავშირმა საქართველოსთვის €100 მილიონი გამოყო გიორგი გაბუნია დაზარალებულად ცნეს ” დედამისისას აჭმევენო, რომ იცინოდნენ პრინცი და იკა, ეგაა დედიკოს პატივისცემა”? ცარიელ სკამებს, რომელსაც ახლა დარბაზში ვხედავთ ჰქვია თავისი სახელი – უპასუხისმგებლობა და ამ ცარიელი სკამების უკან დგანან შეშინებული და გაქცეული ადამიანები – რატი იონათამიშვილი საქართველოს პრეზიდენტის ადმინისტრაციაში ბრიფინგისთვის ემზადებიან “ჩემო ძვირფასებო, ვერ წარმოიდგენთ რამხელა სიამოვნების მომტანია,საქართველომ როგორც იქნა გაიღვიძა…მიყვარხართ ყველანი! “-მიხეილ სააკაშვილის მიმართვა “ძალიან წარმატებული ეკონომიკური წელი გვქონდა…ყველას გილოცავთ ამ მიღწევას”- ღარიბაშვილი გია ბერიაშვილი და დავით რატიანი – უკრაინისა და ცივილიზებული სამყაროს თავისუფლებისთვის ბრძოლას შეწირული ქართველები