დეგნანი სანქციებზე: არ აქვს მნიშვნელობა, რომელ ტერმინს გამოიყენებ, შედეგები ერთნაირია

აშშ-ის ელჩი საქართველოში, კელი დეგნანი ნეტგაზეთთან ინტერვიუში სანქციების ტერმინოლოგიასთან დაკავშირებით მმართველი გუნდის წევრების განცხადებებს პასუხობს და აღნიშნავს, რომ ტერმინს მნიშვნელობა არ აქვს, რადგან შედეგები ერთნაირია.

“აშშ-ის კანონმდებლობით საკმაოდ ნათელია, რას ნიშნავს ეს სანქციები და რატომ არის ისინი საჭირო აშშ-ის კანონმდებლობაში, როცა გვაქვს საკმარისი და სანდო მტკიცებულებები კორუფციულ ქმედებებში მონაწილე პირების შესახებ. არ აქვს მნიშვნელობა, რომელ ტერმინს გამოიყენებ. შედეგები ერთნაირია: ამ პირებს [სანქცირებულ მოსამართლეებს ავტ.] არ აქვთ უფლება, შევიდნენ აშშ-ში.

მას შემდეგ, რაც სახელმწიფო მდივანს აქვს საკმარისი, სანდო ინფორმაცია მნიშვნელოვანი კორუფციული ქმედებების შესახებ, შეერთებული შტატების კანონმდებლობით ჩვენ ვალდებულნი ვართ, დავაწესოთ ეს სავიზო სანქციები”, – ამბობს დეგნანი.

8 აპრილს ქართული ოცნების თავმჯდომარემ, ირაკლი კობახიძემ განაცხადა, რომ კლანის მოსამართლეების სანქცირებისთვის აშშ-ს საჭირო მტკიცებულებები არ ჰქონდა, და ოცნების მხრიდან მათი მოთხოვნის შემდეგ “აშშ-ის ელჩს მოუწია უკან დახევა და იმის თქმა, რომ ეს არის არა სანქცია, არამედ მოსანქციო რამ ანუ სავიზო შეზღუდვაა”.

***

5 აპრილს აშშ-ის სახელმწიფო დეპარტამენტმა მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს კორუფციის გამო სანქციები დაუწესა. სახელმწიფო მდივნის, ენტონი ბლინკენის განცხადებით, მათ ბოროტად გამოიყენეს საკუთარი თანამდებობები.

ლევან მურუსიძე თბილისის სააპელაციო სასამართლოს უვადო მოსამართლეა და ამჟამად იუსტიციის უმაღლესი საბჭოს წევრია. მიხეილ ჩინჩალაძე თბილისის სააპელაციო სასამართლოს თავმჯდომარეა. მოსამართლე ირაკლი შენგელია თბილისის სააპელაციო სასამართლოს ადმინისტრაციულ საქმეთა პალატის თავმჯდომარის თანამდებობაზეა. რაც შეეხება ვალერიან ცერცვაძეს, ის რამდენიმე წელია სასამართლო სისტემაში აღარ მუშაობს.

გააზიარეთ და მოიწონეთ სტატია:

მსგავსი სტატიები:

გიორგი კეკელიძის საჩუქარი სამ გურულ ოჯახს “შენმოქმედთან” და “სკაიტელთან” ერთად შალვა ნათელაშვილმა დანიელსონთან შეხვედრა პროტესტის ნიშნად დატოვა საქართველოში ამერიკელი სენატორები ჩამოვლენ “კედლებზე სოკოები ამოვიდა და ბაყაყები დახტიან ხალხო” – რა ხდება ოზურგეთის უსახლკაროთა თავშესაფარში?” ფასები 12.8%-ით გაიზარდა – რა გაძვირდა და გაიაფდა ოქტომბერში წვიმა და ნისლი, თოვლი – როგორი ამინდი იქნება 9 იანვარს საქართველოში არ უნდა გააკეთოთ ფული დიქტატურაში, რომელიც კლავს ბავშვებს – უკრაინის ელჩის მოადგილე ბიზნესს ჩემკენ იშვერენ თითს, რომ თურმე მე ვარ დამნაშავე და რაღაც მენანება ჩემი შვილისთვის – გიული ალასანია