ბახვი ჰესმა ორგანიზაციას „ქალები მომავლისთვის, ჩხაკაურას თემი“, რომლის დაარსების მიზანიც ჩხაკაურაში მცხოვრები ქალების სოციალური და ეკონომიკური გაძლიერებაა, საჩუქრად კომპიუტერული ტექნიკა გადასცა. ამიერიდან ორგანიზაციის წევრები ჩხაკაურას სკოლის ადმინისტრაციის საკუთრებაში არსებული ინვენტარის ნაცვლად საკუთარი ტექნიკით სარგებლობას შეძლებენ.
„ქალები მომავლისთვის, ჩხაკაურას თემი“ ჩოხატაურის მუნიციპალიტეტში 2021 წელს შეიქმნა. ორგანიზაციაში ამ დროისთვის 10 ქალია გაწევრიანებული. „ქალები მომავლისთვის“ შექმნის ერთ-ერთი მიზანი, ქალების სოციალურ და ეკონომიკურ გაძლიერებასთან ერთად, სოფლის განვითარებაც არის. ორგანიზაციის წევრები სხვადასხვა პროექტზე სამუშაოდ ყოველკვირეულად ე.წ ძველი გამგეობის შენობაში იკრიბებიან.
„ქალები მომავლისთვის, ჩხაკაურას თემის“ წევრებმა სხვადასხვა საგრანტო პროგრამის ფარგლებში არაერთი მცირე დაფინანსება მოიპოვეს. მათ შორის, ერთ-ერთი სათემო პროექტის ფარგლებში მოიგეს საკერავი და საქსოვი მანქანები.
„ჩხაკაურაში ბახვი ჰესის შემოსვლა ჩვენთვის წარმატების მომტანი იყო. კომპანია ჩართულია საგანმანათლებლო და სოციალურ პროექტებში. ხშირად ვესწრები მათ შეხვედრებს. მათთან დაკავშირების შემდეგ ჩვენს ორგანიზაციას წინსვლის შესაძლებლობა მიეცა. უკვე გვაქვს ოთახი, სადაც ქალები ვიკრიბებით. ამ დრომდე ჩხაკაურას სკოლის საკუთრებაში არსებული კომპიუტერით ვსარგებლობდით. ახლა ბახვი ჰესის მხარდაჭერით უკვე გვაქვს საკუთარი ტექნიკა, რომლის მეშვეობითაც უფრო კარგად ვწერთ პროექტებს. ეს კომპანიის მხრიდან ადამიანების გვერდში დგომის ძალიან კარგი მაგალითია“- განაცხადა „ქალები მომავლისთვის, ჩხაკაურას თემის“ ხელმძღვანელმა, მარიამ ლაფერაშვილმა.
„სოფლად მცხოვრები ქალების გაძლიერება, ზოგადად თითოეული რეგიონის სწრაფი განვითარების ერთ-ერთი მთავარი წინაპირობაა. სამწუხაროდ, დღესდღეობით რეგიონებში არსებული სოციალური და ეკონომიკური პრობლემები ქვეყნის ერთ-ერთი გამოწვევაა. მიმაჩნია, რომ ამ პრობლემების მოგვარების პროცესში კერძო სექტორიც აქტიურად უნდა იყოს ჩართული. გვიხარია, რომ ჩვენი სოციალური პროექტების ფარგლებში „ქალები მომავლისთვის, ჩხაკაურას თემის“ დახმარების საშუალება მოგვეცა. ჩვენთვის უაღრესად მნიშვნელოვანია, შევქმნათ პროგრამები, რომელიც მდგრად განვითარებას შეუწყობს ხელს. კომპიუტერული ტექნიკის ორგანიზაციისთვის გადაცემა, სწორედ ამ მიზანს ემსახურება. მოხარული ვიქნებით, თუ ორგანიზაციის განვითარებაში გარკვეულ წვლილს ჩვენც შევიტანთ“- განაცხადა ბახვი ჰესის გარემოს დაცვისა და სოციალური საკითხების მენეჯერმა, დავით კობერიძემ.
„ქალები მომავლისთვის, ჩხაკაურას თემი“ 2021 წელს არასამთავრობო ორგანიზაცია, ფონდი ტასოს სოფლად მცხოვრები ქალების გაძლიერების პროგრამის ფარგლებში შეიქმნა.
მსგავსი სტატიები:
ქებათა ქება ოლიგარქს-“ოცნების” წევრთა გამორჩეული შეფასებები
სალხინოს ღვთისმშობლის შობის ტაძრის ეზოში სიტყვიერი და ფიზიკური დაპირისპირება იყო
ნახტომისებური ზრდა: ამდენი ადამიანი კორონავირუსით დიდი ხანია არ დაინფიცირებულა (დღევანდელი მონაცემები)
მაჟორიტარული ოლქები; ოზურგეთის მუნიციპალური საკრებულოს არჩევნები;
შაქარაშვილის საქმე შესაძლოა, თავდაყირა დადგეს – ერთ-ერთი მსჯავრდებული საიდუმლო ამბის გამხელას აპირებს
როგორ ვიქცევით, თუკი რადიაციულად დაბინძურებულ ზონაში აღმოვჩნდებით?
ოჯახური ძალადობა ოზურგეთელი ქალბატონი იტალიის მთავრობას თავშესაფარს სთხოვს
რაა გასახარი? ვინც მას ბოროტების ჩადენას ავალებდა წარსულში, იმან დაიჭირა – გია ჭანტურია გოგაშვილზე